'കാസ്റ്റ് എവേ'യിലെ വില്‍സണെ ലേലം ചെയ്തു; വിറ്റത് രണ്ടേകാല്‍ കോടി രൂപയ്ക്ക്

'കാസ്റ്റ് എവേ'യിലെ വില്‍സണെ ലേലം ചെയ്തു; വിറ്റത് രണ്ടേകാല്‍ കോടി രൂപയ്ക്ക്

ഹോളിവുഡ് താരം ടോം ഹാങ്ക്‌സ് കേന്ദ്ര കഥാപാത്രമായ 'കാസ്റ്റ് എവേ'യിലെ വോളി ബോള്‍ പന്ത് ലേലം ചെയ്തു. ലോസ് ആഞ്ചലസിലെ പ്രോപ് സ്റ്റോറാണ് വില്‍സണ്‍ എന്ന പന്തിനെ ലേലത്തില്‍ വെച്ചത്. ഏകദേശം രണ്ടേക്കാല്‍ കോടി രൂപയാണ് ലേലത്തില്‍ നിന്നും ലഭിച്ചത്.

റോബര്‍ട്ട് സിമിക്കിസ് സംവിധാനം ചെയ്ത 'കാസ്റ്റ് എവേ' ടോ ഹാങ്ക്‌സിന്റെ മികച്ച ചിത്രങ്ങളിലൊന്നാണ്. ചിത്രത്തില്‍ വില്‍സണ്‍ എന്ന വോളിബോള്‍ പന്തും വളരെ പ്രധാനപ്പെട്ട കഥാപാത്രമാണ്. കൊറിയര്‍ സ്ഥാപനമായ ഫെഡക്സിലെ ജോലിക്കാരനായ ചക് നോളന്റ് എന്ന കഥാപാത്രത്തെയാണ് ടോം ഹാങ്കസ് ചിത്രത്തില്‍ അവതരിപ്പിച്ചിരിക്കുന്നത്.

തെക്കന്‍ പസഫിക് സമുദ്രത്തില്‍ വിമാനം തകര്‍ന്നതിനെ തുടര്‍ന്ന് ചക് നോളന്റ് ജനവാസമില്ലാത്ത ദ്വീപിലെത്തപ്പെടുകയും പിന്നീട് തന്റെ ജീവന്‍ നിലനിര്‍ത്തി അവിടെ നിന്നും രക്ഷപ്പെടുന്നതുമാണ് ചിത്രത്തിന്റെ കഥ. ആള്‍പ്പാര്‍പ്പില്ലാത്ത ദ്വീപില്‍ ജീവിക്കുന്ന നോളന്റിന്റെ സുഹൃത്തായിരുന്നു വില്‍സണ്‍ എന്ന വോളിബോള്‍ പന്ത്.

2000ലാണ് 'കാസ്റ്റ് എവേ' എന്ന ചിത്രം പുറത്തിറങ്ങിയത്. ചിത്രത്തിലെ പ്രകടനത്തിന് ടോം ഹാങ്ക്‌സിന് മികച്ച നടനുള്ള ഓസ്‌കാര്‍ പുരസ്‌കാരവും ലഭിച്ചിരുന്നു.

The Cue
www.thecue.in