പ്രിയദർശന്റെ ഹംഗാമ 2 ഡിസ്‌നി ഹോട്ട്‌സ്റ്റാറിന്; വിറ്റത് 30 കോടിക്ക്

പ്രിയദർശന്റെ ഹംഗാമ 2 ഡിസ്‌നി ഹോട്ട്‌സ്റ്റാറിന്; വിറ്റത് 30 കോടിക്ക്

പ്രിയദർശൻ സംവിധാനം ചെയ്ത ഹംഗാമ 2വിന്റെ ഡിജിറ്റല്‍ അവകാശം ഡിസ്‌നി ഹോട്ട്‌സ്റ്റാറിന് . 30 കോടി രൂപയ്ക്കാണ് ഹോട്ട്‌സ്റ്റാര്‍ സിനിമയുടെ അവകാശം സ്വന്തമാക്കിയത്. പരേഷ് റാവല്‍, ശില്പ ഷെട്ടി, പ്രണീത സുഭാഷ്, മീസാന്‍ ജാഫ്റി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത് . കാമിയോ റോളില്‍ അക്ഷയ് ഖന്നയും സിനിമയിൽ എത്തുന്നുണ്ട്.

ഏഴ് വര്‍ഷങ്ങള്‍ക്ക് ശേഷം പ്രിയദര്‍ശന്‍ ബോളിവുഡില്‍ സംവിധാനം ചെയ്യുന്ന സിനിമയാണ് ഹംഗാമ 2. ടിക്കു തല്‍സാനിയ, രാജ്പാല്‍ യാദവ്, അശുതോഷ് റാണ, മനോജ് ജേഷി എന്നിവരും ചിത്രത്തില്‍ വേഷമിടുന്നു. 2003ല്‍ പുറത്തിറങ്ങിയ ഹംഗാമ പ്രിയദർശൻ സംവിധാനം ചെയ്ത പൂച്ചക്കൊരു മൂക്കുത്തിയുടെ റീമേക്കായിരുന്നു.

The Cue
www.thecue.in