ബറോസ് ക്രിസ്മസ് റിലീസ്; പ്രതിസന്ധികളൊക്കെ മാറുമെന്ന് ആന്റണി പെരുമ്പാവൂർ

ബറോസ് ക്രിസ്മസ് റിലീസ്; പ്രതിസന്ധികളൊക്കെ മാറുമെന്ന് ആന്റണി പെരുമ്പാവൂർ

ആരാധകർ പ്രതീക്ഷയോടെ കാത്തിരിക്കുന്ന മോഹൻലാലിന്റെ ആദ്യ സംവിധാന സംരംഭമായ ബറോസ് ക്രിസ്മസ് റിലീസ് ആയിരിക്കുമെന്ന് നിര്‍മ്മാതാവ് ആന്റണി പെരുമ്പാവൂര്‍ അറിയിച്ചു. പ്രതിസന്ധികള്‍ മാറി നല്ലൊരു സമയം വരുമെന്നാണ് വിശ്വസിക്കുന്നതെന്നും ആന്റണി റിപ്പോര്‍ട്ടര്‍ ചാനലിലിനോട് പറഞ്ഞു. നിലവിൽ കോവിഡ് വ്യാപനത്തെ തുടർന്ന് സിനിമയുടെ ചിത്രീകരണം താത്കാലികമായി നിർത്തിവെച്ചിരിക്കുകയാണ്.

ബറോസ് ക്രിസ്മസ് റിലീസ്; പ്രതിസന്ധികളൊക്കെ മാറുമെന്ന് ആന്റണി പെരുമ്പാവൂർ
ഡയറക്ടര്‍ മോഹന്‍ലാല്‍, ബറോസ് പുതിയ ലൊക്കേഷന്‍ ചിത്രം

പോര്‍ച്ചുഗീസ് പശ്ചാത്തലമുള്ള പിരീഡ് സിനിമയാണ് ബറോസ്. വാസ്‌കോഡഗാമയുടെ നിധി സൂക്ഷിപ്പുകാരനായ ഒരു ഭൂതമാണ് ബറോസ്. നാനൂറ് വര്‍ഷങ്ങളായി നിധിക്ക് കാവലിരിക്കുന്ന ബറോസ് യഥാര്‍ത്ഥ അവകാശിയെയാണ് കാത്തിരിക്കുന്നത്. നിധി തേടി ഒരു കുട്ടി ബറോസിന് മുന്നിലെത്തുന്നതാണ് സിനിമയുടെ പ്രമേയം.

ബറോസ് ക്രിസ്മസ് റിലീസ്; പ്രതിസന്ധികളൊക്കെ മാറുമെന്ന് ആന്റണി പെരുമ്പാവൂർ
പൃഥ്വിയെ ഡയറക്ട് ചെയ്യുന്ന മോഹന്‍ലാല്‍, ബറോസ് ലൊക്കേഷന്‍ ചിത്രം

ചിത്രത്തില്‍ ബറോസ് എന്ന ടൈറ്റില്‍ റോളില്‍ എത്തുന്നത് മോഹന്‍ലാല്‍ തന്നെയാണ്. സ്പാനിഷ് അഭിനേത്രി പാസ് വേഗ, സ്പാനിഷ് നടന്‍ റാഫേല്‍ അമര്‍ഗോ എന്നിവര്‍ പ്രധാന കഥാപാത്രമായി സിനിമയിലുണ്ടാകും. വാസ്‌കോ ഡ ഗാമയുടെ റോളിലാണ് റഫേല്‍ അമര്‍ഗോ അഭിനയിക്കുന്നത്. വാസ്‌കോ ഡ ഗാമയുടെ ഭാര്യയുടെ റോളിലാണ് പാസ് വേഗ. പൃഥ്വിരാജും ചിത്രത്തില്‍ ഒരു പ്രധാന വേഷത്തിലെത്തുന്നുണ്ട്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിക്കുന്നത്.

No stories found.
The Cue
www.thecue.in