കുഞ്ചാക്കോ ബോബൻ നയൻ‌താര എന്നിവർ കേന്ദ്ര കഥാപാത്രങ്ങളെ അവതരിപ്പിച്ച നിഴൽ സിനിമയിലെ ഒരു വീഡിയോ രംഗം പുറത്ത് വിട്ട് അണിയറപ്രവർത്തകർ. കുഞ്ചാക്കോ ബോബനും സൈജു കുറുപ്പും തമ്മിലുള്ള സംഭാഷണമാണ് വീഡിയോയിൽ ഉള്ളത്. സിനിമയിൽ ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് ജോൺ ബേബി എന്ന കഥാപാത്രത്തെയാണ് കുഞ്ചാക്കോ ബോബൻ അവതരിപ്പിക്കുന്നത്. ഒരു അടിപിടിക്കിടയിൽ മൂക്കിന് പരിക്ക് പറ്റിയതിനെ തുടർന്ന് ജോൺ ബേബിയ്ക്ക് മാസ്ക് ധരിക്കേണ്ടി വന്നതായി വീഡിയോയിലെ സംഭാഷണത്തിലൂടെ വ്യക്തമാകുന്നു.
ഹിറ്റ് സിനിമകളുടെ എഡിറ്റര്‍ ആയിരുന്ന അപ്പു ഭട്ടതിരി ആദ്യമായി സംവിധാനം ചെയ്യുന്ന സിനിമയാണ് നിഴൽ. എസ് സഞ്ജീവാണ് തിരക്കഥ. ആന്റോ ജോസഫ് ഫിലിം കമ്പനിക്കൊപ്പം അഭിജിത് എം പിള്ള, ബാദുഷ, സംവിധായകന്‍ ഫെല്ലിനി ടി.പി, ഗണേഷ് ജോസ് എന്നിവരാണ് സിനിമയുടെ നിർമ്മാതാക്കൾ.
