'അതുല്യ പ്രതിഭകൾക്കൊപ്പം', മോഹന്‍ലാല്‍, നെടുമുടി വേണു, കലാമണ്ഡലം ഗോപി ആശാന്‍; ആറാട്ടിലെ ​ഗാനരം​ഗമെന്ന് ബി ഉണ്ണികൃഷ്ണൻ

'അതുല്യ പ്രതിഭകൾക്കൊപ്പം', മോഹന്‍ലാല്‍, നെടുമുടി വേണു, കലാമണ്ഡലം ഗോപി ആശാന്‍; ആറാട്ടിലെ ​ഗാനരം​ഗമെന്ന് ബി ഉണ്ണികൃഷ്ണൻ

അതുല്യ പ്രതിഭകൾക്കൊപ്പമുള്ള 'ആറാട്ടി'ലെ ​ചിത്രം പങ്കുവെച്ച് സംവിധായകൻ ബി ഉണ്ണികൃഷ്ണൻ. മോഹന്‍ലാല്‍, നെടുമുടി വേണു, കലാമണ്ഡലം ഗോപി ആശാന്‍ എന്നിവർക്കൊപ്പമുളള ചിത്രമാണ് ഏറെ സന്തോഷമെന്ന കുറിപ്പോടെ സംവിധായകൻ ഫേസ്ബുക്കിൽ പോസ്റ്റ് ചെയ്തത്. 'പുലിമുരുകന്' ശേഷം ഉദയകൃഷ്ണയുടെ തിരക്കഥയില്‍ ബി ഉണ്ണിക്കൃഷ്ണന്‍ സംവിധാനം ചെയ്യുന്ന മോഹന്‍ലാല്‍ ചിത്രമാണ് 'ആറാട്ട്'. മോഹൻലാൽ മാസ് ആക്ഷന്‍ ഹീറോയായി എത്തുന്ന ചിത്രം കോമഡി ആക്ഷൻ ഡ്രാമ ഴോണറിലാണ് ഒരുങ്ങുന്നത്.

Working with these three living legends in a song sequence of #Aaraattu was a great honour and sheer joy!

Posted by Unnikrishnan B on Tuesday, January 12, 2021

‘ഈ മൂന്ന് അതുല്യ പ്രതിഭകള്‍ ഒരുമിക്കുന്ന ​ഗാനരം​ഗം ച്ത്രീകരിക്കാൻ കഴിഞ്ഞതിൽ വലിയ സന്തോഷമെന്നാണ് ഉണ്ണികൃഷ്ണന്‍ ചിത്രത്തിനൊപ്പം കുറിച്ചിരിക്കുന്നത്. ‘ദേവാസുരം’, ‘ആറാം തമ്പുരാന്‍’, ‘നരസിംഹം’ എന്നീ ചിത്രങ്ങൾക്ക് ശേഷം മോഹന്‍ലാല്‍ വീണ്ടും വരിക്കാശ്ശേരിമനയിൽ ചിത്രീകരണത്തിനായെത്തുന്നു എന്ന പ്രത്യേകതയും ആറാട്ടിനുണ്ട്.

'അതുല്യ പ്രതിഭകൾക്കൊപ്പം', മോഹന്‍ലാല്‍, നെടുമുടി വേണു, കലാമണ്ഡലം ഗോപി ആശാന്‍; ആറാട്ടിലെ ​ഗാനരം​ഗമെന്ന് ബി ഉണ്ണികൃഷ്ണൻ
ഗോപൻ വരിക്കാശ്ശേരി മനയിലുണ്ട്, 'ആറാട്ടി'ന്റെ ലൊക്കേഷനിൽ നിന്നും മോഹൻലാലിന്റെ പുതിയ ലുക്ക്

നെയ്യാറ്റിന്‍കര ഗോപന്‍ എന്ന കഥാപാത്രത്തെയാണ് ചിത്രത്തിൽ മോഹന്‍ലാല്‍ അവതരിപ്പിക്കുന്നത്. ശ്രദ്ധ ശ്രീനാഥാണ് ‘ആറാട്ടി'ല്‍ മോഹന്‍ലാലിന്റെ നായിക. നെടുമുടി വേണു, സായ്കുമാര്‍, സിദ്ദിഖ്, ജോണി ആന്റണി, ഇന്ദ്രന്‍സ്, രാഘവന്‍, നന്ദു, ബിജു പപ്പന്‍, ഷീല, സ്വാസിക, മാളവിക, രചന നാരായണന്‍ കുട്ടി, എന്നിവരാണ് ചിത്രത്തിലെ മറ്റു കഥാപാത്രങ്ങള്‍. സ്റ്റെഫി സേവ്യര്‍ ആണ് കോസ്റ്റിയൂംസ്. ബി.കെ ഹരിനാരായണന്‍, രാജീവ് ഗോവിന്ദന്‍, ഫെജോ, നികേഷ് ചെമ്പിലോട് എന്നിവരാണ് ഗാനരചന. 'ദൃശ്യം രണ്ടാം ഭാ​ഗത്തിനും 'മരയ്ക്കാറി'നും ശേഷം പ്രേക്ഷകര്‍ കാത്തിരിക്കുന്ന ചിത്രത്തിന്റെ ഷൂട്ടിങ് പാലക്കാട് പുരോഗമിക്കുകയാണ്. പാലക്കാടിന് പുറമെ ഹൈദ്രബാദും ചിത്രത്തിന് ലൊക്കേഷനാകുന്നു.

Related Stories

The Cue
www.thecue.in