ക്രിസ്മസ് ദിനമായ ഡിസംബര് 25 അന്തരിച്ച സംവിധായകനും തിരക്കഥാകൃത്തുമായ സച്ചിയുടെ ജന്മദിനം കൂടിയാണ്. ഇനിയുള്ള ക്രിസ്മസ് നാളുകള് ആഘോഷത്തിന്റേതല്ല, ഓര്മദിനമാണെന്നായിരുന്നു സച്ചിയെ ഓര്ത്ത് സംവിധായകന് രഞ്ജിത് സോഷ്യല് മീഡിയയില് കുറിച്ചത്. കഴിഞ്ഞ വര്ഷം ഡിസംബര് 25ന് സച്ചിയെ താന് വിളിച്ചത് ജന്മദിനാശംസകള് നേരായിരുന്നുവെന്നും കുറിപ്പില് പറയുന്നുണ്ട്.
'ഡിസംബര് 25 പോയ വര്ഷം ഈ നാളില് ഞാന് നിന്നെ വിളിച്ചത് ജന്മദിന ആശംസകള് നേരാനായിരുന്നു. ഇന്ന് പക്ഷെ ഒരു ഫോണ് കോളും എത്തിച്ചേരാത്തിടത്തേക്ക് നീ പോയി. ക്രിസ്മസ് നിന്നെ സ്നേഹിച്ചവര്ക്കെല്ലാം ഇനിയുള്ള കാലം ആഘോഷത്തിന്റെ നാളല്ല. ഓര്മദിവസം ആണ്', രഞ്ജിത് കുറിച്ചു.
സച്ചിയുടെ ഓര്മ്മ നിലനിര്ത്തുന്നതിനും ആഗ്രഹപൂര്ത്തീകരണത്തിനുമായി 'സച്ചി ക്രിയേഷന്സ്' എന്ന ബാനര് പ്രഖ്യാപിക്കുന്നതായി പൃഥ്വിരാജ് സോഷ്യല് മീഡിയയില് കുറിച്ചു. 'സച്ചിയുടെ ഒരുപാട് ആഗ്രഹങ്ങളില് ഒന്നായിരുന്നു സ്വന്തമായി ഒരു സിനിമ നിര്മ്മിക്കണമെന്നത്. അതിനുള്ള ശ്രമങ്ങളും ആരംഭിച്ചിരുന്നു. നിര്ഭാഗ്യവശാല് ഇന്ന് സച്ചി നമ്മോടൊപ്പം ഇല്ല. അദ്ദേഹത്തിന്റെ ഓര്മ്മ നിലനിര്ത്തുന്നതിനും, ആഗ്രഹപൂര്ത്തീകരണത്തിനും വേണ്ടി ഇന്ന് ഞാനൊരു ബാനര് അനൗണ്സ്മെന്റ് നടത്തുകയാണ് Sachy Creations. ഈ ബാനറിലൂടെ നല്ല സിനിമകള് നിങ്ങളിലേക്ക് എത്തിക്കുക എന്നതാണ് ലക്ഷ്യം. അതിന് നിങ്ങളുടെ എല്ലാവിധ സപ്പോര്ട്ടും പ്രതീക്ഷിക്കുന്നു', പൃഥ്വിരാജ് കുറിച്ചു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
പോസ്റ്റിന്റെ പൂര്ണരൂപം:
'നമസ്ക്കാരം എല്ലാവര്ക്കും എന്റെ ക്രിസ്തുമസ് ആശംസകള്.
December 25 എന്നെ സംബന്ധിച്ച് മറ്റൊരു പ്രത്യേകത കൂടിയുള്ള ദിവസമാണ്. എന്റെ പ്രിയ സുഹൃത്തും, തിരക്കഥാകൃത്തും, സംവിധായകനുമായ സച്ചിയുടെ ജന്മദിനം കൂടിയാണ്. അദ്ദേഹത്തിന്റെ ഒരുപാട് ആഗ്രഹങ്ങളില് ഒന്നായിരുന്നു സ്വന്തമായി ഒരു സിനിമ നിര്മ്മിക്കണമെന്നത്. അതിനുള്ള ശ്രമങ്ങളും ആരംഭിച്ചിരുന്നു. നിര്ഭാഗ്യവശാല് ഇന്ന് സച്ചി നമ്മോടൊപ്പം ഇല്ല.
അദ്ദേഹത്തിന്റെ ഓര്മ്മ നിലനിര്ത്തുന്നതിനും, ആഗ്രഹപൂര്ത്തീകരണത്തിനും വേണ്ടി ഇന്ന് ഞാനൊരു ബാനര് അനൗണ്സ്മെന്റ് നടത്തുകയാണ് Sachy Creations. ഈ ബാനറിലൂടെ നല്ല സിനിമകള് നിങ്ങളിലേക്ക് എത്തിക്കുക എന്നതാണ് ലക്ഷ്യം. അതിന് നിങ്ങളുടെ എല്ലാവിധ സപ്പോര്ട്ടും പ്രതീക്ഷിക്കുന്നു.'
Renjith And Prithviraj On Sachy's Birthday