ഇന്ത്യയില്‍ നിന്നുള്ള ഔദ്യോഗിക ഓസ്‌കര്‍ എന്‍ട്രിയായി തെരഞ്ഞെടുത്ത ജല്ലിക്കെട്ടിനെ അഭിനന്ദിച്ച് കങ്കണ റണാവത്. ബോളിവുഡിനെതിരെ സ്ഥിരം വിമര്‍ശനവുമായെത്തുന്ന കങ്കണ ആ പതിവ് തെറ്റിക്കാതെയായിരുന്നു ജല്ലിക്കെട്ട് ടീമിന് അഭിനന്ദനം അറിയിച്ചത്. വീടുകളില്‍ ഒളിച്ചിരിക്കുന്ന ബോളിവുഡ് മൂവി മാഫിയ സംഘം ജൂറിയെ ജോലി ചെയ്യാന്‍ അനുവദിച്ചുവെന്ന് നടി ട്വിറ്ററില്‍ കുറിച്ചു.
ബോളിവുഡിനെ 'ബുള്ളിദാവൂദ്' എന്നായിരുന്നു കങ്കണ ട്വീറ്റില്‍ വിശേഷിപ്പിച്ചത്. 'ബുള്ളിദാവൂദ് സംഘത്തിനെതിരെ ഉയര്‍ന്ന വിമര്‍ശനങ്ങളും വിചാരണകളും ഒടുവില്‍ ഫലം കണ്ടു. ഇന്ത്യന്‍ സിനിമയെന്നാല്‍ വെറും നാല് സിനിമാകുടുംബങ്ങളല്ല. വീടുകളില്‍ ഒളിച്ചിരിക്കുന്ന ബോളിവുഡ് മൂവി മാഫിയ സംഘം ജൂറിയെ ജോലി ചെയ്യാന്‍ അനുവദിച്ചു. അഭിനന്ദനങ്ങള്‍ ടീം ജല്ലിക്കെട്ട്', കങ്കണ കുറിച്ചു.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
ജല്ലിക്കെട്ടിന് ലഭിച്ച ഏറ്റവും മോശമായ അഭിനന്ദനമെന്നായിരുന്നു ചിലര്‍ കങ്കണയുടെ സോഷ്യല്‍ മീഡിയ പോസ്റ്റിന് താഴെ കമന്റ് ചെയ്തത്. ജല്ലിക്കെട്ട് എന്ന സിനിമയെ കുറിച്ച് അറിവില്ലാത്തതു കൊണ്ടാണ് ഇത്തരം പൊള്ളയായ അവകാശവാദങ്ങളെന്നും വിമര്‍ശനമുണ്ട്.
