ഇതാണാ ജിന്ന്, സൗബിന്‍ ഷാഹിറിന്റെ യോഗാ ലുക്കുമായി ദുല്‍ഖര്‍ സല്‍മാന്‍

ഇതാണാ ജിന്ന്, സൗബിന്‍ ഷാഹിറിന്റെ യോഗാ ലുക്കുമായി ദുല്‍ഖര്‍ സല്‍മാന്‍

കിണ്ടിയും പശ്ചാത്തലത്തില്‍ യോഗാ ചിത്രവുവുമായി യോഗാചാര്യന്‍ ലുക്കില്‍ സൗബിന്‍ ഷാഹിര്‍. ഹ്യൂമറിന് പ്രാധാന്യം നല്‍കി സിദ്ധാര്‍ത്ഥ് ഭരതന്‍ സംവിധാനം ചെയ്യുന്ന ജിന്ന് എന്ന സിനിമയുടെ ഫസ്റ്റ് ലുക്ക് പോസ്റ്ററാണ് ദുല്‍ഖര്‍ സല്‍മാന്‍ പുറത്തുവിട്ടിരിക്കുന്നത്. മോഷന്‍ പോസ്റ്ററും ഇതിനൊപ്പമുണ്ട്. സമീര്‍ താഹിര്‍ സംവിധാനം ചെയ്ത കലി എന്ന ദുല്‍ഖര്‍ ചിത്രത്തിന്റെ തിരക്കഥാകൃത്ത് രാജേഷ് ഗോപിനാഥാണ് തിരക്കഥ.

ഗിരീഷ് ഗംഗാധരന്‍ ജല്ലിക്കട്ടിന് ശേഷം ഛായാഗ്രഹണം നിര്‍വഹിക്കുന്ന ചിത്രവുമാണ് ജിന്ന്. ശാന്തി ബാലചന്ദ്രനാണ് നായിക. പ്രശാന്ത് പിള്ളയാണ് സംഗീത സംവിധാനം. ദീപു ജോസഫ് എഡിറ്റിംഗും. സ്‌ട്രെയിറ്റ് ലൈന്‍ സിനിമാസാണ് നിര്‍മ്മാണം.

സിദ്ധാര്‍ത്ഥ് ഭരതന്‍ സംവിധാനം ചെയ്യുന്ന നാലാമത്തെ സിനിമയാണ് ജിന്ന്. നിദ്ര, ചന്ദ്രേട്ടന്‍ എവിടെയാ, വര്‍ണ്യത്തില്‍ ആശങ്ക എന്നീ സിനിമകളാണ് മുമ്പ് പ്രേക്ഷകരിലെത്തിയത്. ഹാസ്യപശ്ചാത്തലത്തിലുള്ള എന്റര്‍ടെയിനറായിരിക്കും ജിന്ന് എന്ന് തിരക്കഥാകൃത്ത് രാജേഷ് ഗോപിനാഥന്‍ ദ ക്യുവിനോട് പറഞ്ഞു.

Here is a very interesting first look poster of ‘Djinn’, starring my dearest machan Soubin Shahir, Santhy Balachandran...

Posted by Dulquer Salmaan on Sunday, August 2, 2020
No stories found.
The Cue
www.thecue.in