എഡ്വേഡ് ലിവിംഗ്സ്റ്റണ്‍ ഇനി റഷ്യന്‍, മമ്മൂട്ടിയുടെ മാസ്റ്റര്‍പീസിന് മൊഴിമാറ്റം

എഡ്വേഡ് ലിവിംഗ്സ്റ്റണ്‍ ഇനി റഷ്യന്‍, മമ്മൂട്ടിയുടെ മാസ്റ്റര്‍പീസിന് മൊഴിമാറ്റം

മമ്മൂട്ടിയുടെ മാസ്റ്റര്‍ പീസ് എന്ന ചിത്രം റഷ്യന്‍, അറബിക് ഡബ്ബിംഗ് പതിപ്പുകള്‍ പുറത്തുവരുന്നു. യൂട്യൂബ് റിലീസിനായാണ് റഷ്യന്‍ ഭാഷയില്‍ ചിത്രം മൊഴിമാറ്റുന്നത്. അജയ് വാസുദേവ് സംവിധാനം ചെയ്ത മാസ്റ്റര്‍ പീസില്‍ എഡ്വേഡ് ലിവിംഗ്സ്റ്റണ്‍ എന്ന പേരില്‍ കോളജ് പ്രൊഫസറുടെ വേഷത്തിലെത്തി കേസന്വേഷണം നടത്തുന്ന ആന്റോ ആന്റണി ഐപിഎസിനെയാണ് മമ്മൂട്ടി അവതരിപ്പിച്ചത്.

പുലിമുരുകന് ശേഷം ഉദയ്കൃഷ്ണ തിരക്കഥയെഴുതിയ ചിത്രവുമാണ് മാസ്റ്റര്‍ പീസ്. ഉണ്ണി മുകുന്ദന്‍, മുകേഷ്, പൂനം ബജ്വ, ഗോകുല്‍ സുരേഷ്, വരലക്ഷ്മി ശരത്കുമാര്‍ എന്നിവരും ചിത്രത്തിലുണ്ടായിരുന്നു.

റഷ്യന്‍ ഭാഷയിലേക്ക് മൊഴിമാറ്റുന്ന മമ്മൂട്ടിയുടെ ആദ്യ സിനിമയുമാണ് മാസ്റ്റര്‍ പീസ്. മാസ്റ്റര്‍ പീസ് റഷ്യന്‍ ഡബ്ബിംഗിന്റെ കാര്യം സംവിധായകന്‍ അജയ് വാസുദേവ് ദ ക്യു'വിനോട് സ്ഥിരീകരിച്ചു. ഹിന്ദിയിലേക്കും തമിഴിലേക്കും സിനിമ ഡബ്ബ് ചെയ്തിരുന്നു. നോര്‍വെയിലുള്ള ഫോര്‍ സീസണ്‍ ക്രിയേഷന്‍സ് എന്ന കമ്പനിയാണ് ചിത്രത്തിന്റെ ഡബ്ബിംഗ് പതിപ്പ് തയ്യാറാക്കുന്നത്.

Related Stories

No stories found.
logo
The Cue
www.thecue.in