പൃഥ്വിരാജിന്റെ റോളില്‍ സല്‍മാന്‍ ഖാന്‍?, ലൂസിഫര്‍ റീമേക്കില്‍ അതിഥി താരമെന്ന് തെലുങ്ക് മാധ്യമങ്ങള്‍

പൃഥ്വിരാജിന്റെ റോളില്‍ സല്‍മാന്‍ ഖാന്‍?, ലൂസിഫര്‍ റീമേക്കില്‍ അതിഥി താരമെന്ന് തെലുങ്ക് മാധ്യമങ്ങള്‍

മോഹന്‍ലാലിനെ നായകനാക്കി പൃഥ്വിരാജ് സുകുമാരന്‍ സംവിധാനം ചെയ്ത ലൂസിഫര്‍ തെലുങ്ക് റീമേക്ക് ഇതിനോടകം വാര്‍ത്തകളില്‍ ഇടം പിടിച്ചിരുന്നു. വമ്പന്‍ ബജറ്റിലൊരുങ്ങുന്ന റീമേക്കില്‍ മോഹന്‍ലാല്‍ മലയാളത്തില്‍ ചെയ്ത നായകനായി എത്തുന്ന സൂപ്പര്‍താരം ചിരഞ്ജീവിക്കൊപ്പം സല്‍മാന്‍ ഖാന്‍ അതിഥി താരമാകുമെന്നാണ് പുതിയ റിപ്പോര്‍ട്ടുകള്‍. ബോളിവുഡ് വെബ്‌സൈറ്റ് പിങ്ക് വില്ല, കൊയ്‌മൊയ് എന്നിവയ്‌ക്കൊപ്പം ചില തെലുങ്ക് മാധ്യമങ്ങളും സല്‍മാന്‍ ഖാന്‍ മലയാളത്തില്‍ പൃഥ്വിരാജ് സുകുമാരന്‍ അവതരിപ്പിച്ച സയീദ് മസൂദ് എന്ന കഥാപാത്രമായി എത്തുമെന്ന് റിപ്പോര്‍ട്ട് ചെയ്യുന്നു. ഇക്കാര്യത്തില്‍ ലൂസിഫര്‍ തെലുങ്ക് നിര്‍മ്മാതാക്കളോ, ചിരഞ്ജീവിയോ, സല്‍മാന്‍ ഖാനുമായി അടുത്ത കേന്ദ്രങ്ങളോ സ്ഥിരീകരണം നല്‍കിയിട്ടില്ല.

പൃഥ്വിരാജിന്റെ റോളില്‍ സല്‍മാന്‍ ഖാന്‍?, ലൂസിഫര്‍ റീമേക്കില്‍ അതിഥി താരമെന്ന് തെലുങ്ക് മാധ്യമങ്ങള്‍
‘ആ രഹസ്യമറിയാവുന്നവര്‍ ചേര്‍ന്നപ്പോള്‍ ലൂസിഫര്‍ വന്‍ വിജയമായി’; പൃഥ്വിരാജ് ഇന്ത്യയിലെ മികച്ച സംവിധായകനാകുമെന്ന് മോഹന്‍ലാല്‍

പ്രഭാസ് നായകനായ സഹോ സംവിധാനം ചെയ്ത സുജീത് ആണ് തെലുങ്ക് ലൂസിഫര്‍ സംവിധായകന്‍. മലയാളത്തില്‍ നിന്ന് അടിമുടി മാറ്റങ്ങളോടെ ആകും തെലുങ്ക് പതിപ്പെന്ന് ചിരഞ്ജീവി പറഞ്ഞിരുന്നു. സ്റ്റീഫന്‍ നെടുമ്പള്ളി, ഖുറേശി അബ്രാം എന്നീ കഥാപാത്രങ്ങള്‍ തെലുങ്കിലെത്തുമ്പോള്‍ ടോളിവുഡ് പ്രേക്ഷകരുടെ അഭിരുചിക്കൊത്ത് പുതുക്കിപ്പണിയുമെന്നാണ് സൂചന. ലോക്ക് ഡൗണില്‍ സുജീത് സിനിമയുടെ തെലുങ്ക് തിരക്കഥയിലേക്ക് കടന്നിരിക്കുകയാണ് കൊവിഡ് ആശങ്കകള്‍ ഒഴിഞ്ഞാല്‍ ചിത്രം അനൗണ്‍സ് ചെയ്യും. കൊരട്‌ല ശിവ സംവിധാനം ചെയ്യുന്ന ആചാര്യ ആണ് ചിരഞ്ജീവിയുടെ അടുത്ത റിലീസ്. ലൂസിഫര്‍ തന്റെ ശൈലിക്ക് ഇണങ്ങുന്ന ചിത്രമാണെന്നാണ് ചിരഞ്ജീവി ഒരു അഭിമുഖത്തില്‍ പറഞ്ഞിരുന്നത്. 2019ല്‍ റിലീസ് ചെയ്ത ലൂസിഫര്‍ മലയാളത്തിലെ ഏറ്റവും ഉയര്‍ന്ന കളക്ഷന്‍ റെക്കോര്‍ഡ് ഉള്ള ചിത്രമാണ്. 200 കോടിക്ക് മുകളിലായിരുന്നു വേള്‍ഡ് വൈഡ് ഗ്രോസ്. സിനിമയുടെ രണ്ടാം ഭാഗം എമ്പുരാന്‍ 2021ല്‍ ഉണ്ടാകുമെന്ന് പ്രഖ്യാപിച്ചിരുന്നു.

പൃഥ്വിരാജിന്റെ റോളില്‍ സല്‍മാന്‍ ഖാന്‍?, ലൂസിഫര്‍ റീമേക്കില്‍ അതിഥി താരമെന്ന് തെലുങ്ക് മാധ്യമങ്ങള്‍
ലൂസിഫര്‍ പോലുള്ള സിനിമകള്‍ നിലവാരമില്ലാത്തതാണെന്ന് അഭിപ്രായമുള്ളവരുണ്ട്, അംഗീകരിക്കുന്നതില്‍ വിമുഖത: പൃഥ്വിരാജ് 
പൃഥ്വിരാജിന്റെ റോളില്‍ സല്‍മാന്‍ ഖാന്‍?, ലൂസിഫര്‍ റീമേക്കില്‍ അതിഥി താരമെന്ന് തെലുങ്ക് മാധ്യമങ്ങള്‍
ലൂസിഫര്‍ ഡാന്‍സിലെ സ്ത്രീവിരുദ്ധത, ഡാന്‍സ് ബാറില്‍ ഓട്ടം തുള്ളലാണോ കാണിക്കേണ്ടിയിരുന്നതെന്ന് പൃഥ്വിരാജ്

മോഹന്‍ലാല്‍ അവതരിപ്പിക്കുന്ന ഖുറേഷി അബ്രാം എന്ന ഡോണിന്റെ വലംകൈ ആയ സയീദ് മസൂദിനെയാണ് മലയാളം പതിപ്പില്‍ പൃഥ്വിരാജ് അവതരിപ്പിച്ചത്. മുന്‍കൂട്ടി പ്രഖ്യാപിക്കാതെ തിയറ്ററില്‍ സര്‍പ്രൈസ് ആയാണ് പൃഥ്വിയുടെ കഥാപാത്രത്തെ പുറത്തുവിട്ടത്. രാംചരണിന്റെ ബാനറാണ് തെലുങ്ക് റീമേക്ക് സ്വന്തമാക്കിയിരിക്കുന്നത്.

പൃഥ്വിരാജിന്റെ റോളില്‍ സല്‍മാന്‍ ഖാന്‍?, ലൂസിഫര്‍ റീമേക്കില്‍ അതിഥി താരമെന്ന് തെലുങ്ക് മാധ്യമങ്ങള്‍
മോഹന്‍ലാല്‍ ആദ്യമായി താഴ്‌വാരം കണ്ടത് ലോക്ക് ഡൗണില്‍, അഭിനയിച്ച പല സിനിമകളും
പൃഥ്വിരാജിന്റെ റോളില്‍ സല്‍മാന്‍ ഖാന്‍?, ലൂസിഫര്‍ റീമേക്കില്‍ അതിഥി താരമെന്ന് തെലുങ്ക് മാധ്യമങ്ങള്‍
ഞാന്‍ ചെയ്ത റീമേക്കുകള്‍ ഒറിജിനലിനെക്കാള്‍ മികച്ചതായിരുന്നു, ലൂസിഫറിനെക്കുറിച്ച് ചിരഞ്ജീവി 
പൃഥ്വിരാജിന്റെ റോളില്‍ സല്‍മാന്‍ ഖാന്‍?, ലൂസിഫര്‍ റീമേക്കില്‍ അതിഥി താരമെന്ന് തെലുങ്ക് മാധ്യമങ്ങള്‍
സ്റ്റീഫന്‍ നെടുമ്പള്ളി തന്റെ ശൈലിക്ക് പറ്റിയ നായകനെന്ന് ചിരഞ്ജീവി

Related Stories

No stories found.
logo
The Cue
www.thecue.in