ഹെലന്‍ എവിടെ ? കുമ്പളങ്ങിക്ക് ശേഷം അന്ന ബെന്‍, പ്രതീക്ഷയുണര്‍ത്തി ട്രെയിലര്‍

ഹെലന്‍ എവിടെ ? കുമ്പളങ്ങിക്ക് ശേഷം അന്ന ബെന്‍, പ്രതീക്ഷയുണര്‍ത്തി ട്രെയിലര്‍

കുമ്പളങ്ങി നൈറ്റ്‌സിലൂടെ ശ്രദ്ധേയയായ അന്ന ബെന്‍ കേന്ദ്രകഥാപാത്രത്തെ അവതരിപ്പിക്കുന്ന ചിത്രമാണ് ഹെലന്‍. ഹാബിറ്റ് ഓഫ് ലൈഫിന്റെ ബാനറില്‍ വിനീത് ശ്രീനിവാസന്‍ നിര്‍മിക്കുന്ന ചിത്രം സംവിധാനം ചെയ്യുന്നത് നവാഗതനായ മാത്തുക്കുട്ടി സേവ്യറാണ് ചിത്രത്തിന്റെ ട്രെയിലര്‍ പുറത്തിറങ്ങി.

അന്ന ബെന്നിനൊപ്പം ലാല്‍, അജു വര്‍ഗീസ്, റോണി ഡേവിഡ്, തുടങ്ങിയവരും ഒരുകൂട്ടം പുതുമുഖങ്ങളും പ്രധാന വേഷങ്ങൡലെത്തുന്ന ചിത്രം സസ്‌പെന്‍സ് ത്രില്ലറാണെന്നാണ് ട്രെയിലര്‍ നല്‍കുന്ന സൂചന. ഹെലന്‍ എന്ന നായിക കഥാപാത്രത്തെ കാണാതാകുന്നതും അതിനെക്കുറിച്ചുള്ള അന്വേഷവും കഥാപാത്രത്തിന്റെ അതിജീവനവുമെല്ലാമാണ് ചിത്രത്തിന്റെ പ്രമേയമെന്ന് ട്രെയിലര്‍ സൂചിപ്പിക്കുന്നു.

ഗണേഷ് രാജ് സംവിധാനം ചെയ്ത് 2016ല്‍ പുറത്തെത്തിയ 'ആനന്ദ'ത്തിന് ശേഷം വിനീത് നിര്‍മിക്കുന്ന ചിത്രം കൂടിയാണ് ഹെലന്‍. സംവിധായകനൊപ്പം ആല്‍ഫ്രഡ് കുര്യന്‍ ജോസഫ്, നോബിള്‍ ബാബു തോമസ് എന്നിവര്‍ കൂടി ചേര്‍ന്നാണ് രചന നിര്‍വഹിച്ചിരിക്കുന്നത്.

ആനന്ദ് സി ചന്ദ്രനാണ് ഛായാഗ്രഹണം. സംഗീതം ഷാന്‍ റഹ്മാന്‍. എഡിറ്റിംഗ് ഷമീര്‍ മുഹമ്മദ്. വിശാഖ് സുബ്രഹ്മണ്യം, അജു വര്‍ഗീസ്, ധ്യാന്‍ ശ്രീനിവാസന്‍ എന്നിവരുടെ ഉടമസ്ഥതയിലുള്ള ഫന്റാസ്റ്റിക് ഫിലിംസാണ് ചിത്രം തീയറ്ററുകളില്‍ എത്തിക്കുന്നത്. ചിത്രം നവംബറില്‍ റിലീസ് ചെയ്യും.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

Related Stories

No stories found.
logo
The Cue
www.thecue.in