വിജയ് 64ന് മുമ്പ് ക്രൈം ത്രില്ലര്‍ കൈദി, കാര്‍ത്തിയുടെ ഒറ്റരാത്രിയിലെ ജയില്‍ചാട്ടക്കഥ 

വിജയ് 64ന് മുമ്പ് ക്രൈം ത്രില്ലര്‍ കൈദി, കാര്‍ത്തിയുടെ ഒറ്റരാത്രിയിലെ ജയില്‍ചാട്ടക്കഥ 

വിജയ് നായകനായ 64ാം ചിത്രം ഒരുക്കുന്ന ലോഗേഷ് കനകരാജ് സംവിധാനം ചെയ്ത കാര്‍ത്തി ചിത്രം കൈദി ദീപാവലിക്ക് തിയറ്ററുകളിലേക്ക്. ' മാനഗരം ' എന്ന കന്നി ചിത്രത്തിലൂടെ പ്രേക്ഷക ശ്രദ്ധ നേടിയ സംവിധായകനാമ് ലോകേഷ് കനകരാജ്. തടവുപുള്ളിയുടെ ജയില്‍ ചാട്ടമാണ് സിനിമയെന്ന് ട്രെയിലര്‍ സൂചന നല്‍കുന്നു. ജയിലഴികള്‍ക്കു പിന്നില്‍ രക്തം ഒഴുകുന്ന മുഖവുമായി കാര്‍ത്തി നില്‍ക്കുന്ന ഫസ്റ്റ് ലുക്ക് പോസ്റ്റര്‍ ശ്രദ്ധിക്കപ്പെട്ടിരുന്നു.

ഒറ്റ രാത്രി നടക്കുന്ന കഥയെ അവലംബമാക്കിയാണ് ക്രൈം ത്രില്ലര്‍ സ്വഭാവമുള്ള ചിത്രം ഒരുക്കിയിരിക്കുന്നത്. ചിത്രത്തില്‍ മലയാളി താരം നരേനും കാര്‍ത്തിക്കൊപ്പം പ്രാധാന്യമുളള കഥാപാത്രത്തെ അവതരിപ്പിക്കുന്നുണ്ട്. പോലീസ് ഓഫീസറുടെ റോളിലാണ് നരേന്‍. ഹരീഷ് പേരടി, രമണ, ദീന, ജോര്‍ജ്ജ് മറിയം,ഹരീഷ് ഉത്തമന്‍, അംസദ്, അര്‍ജ്ജുന്‍ ദാസ് എന്നിവര്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നു 'കൈദി' യില്‍ നായിക ഇല്ല.

 വിജയ് 64ന് മുമ്പ് ക്രൈം ത്രില്ലര്‍ കൈദി, കാര്‍ത്തിയുടെ ഒറ്റരാത്രിയിലെ ജയില്‍ചാട്ടക്കഥ 
ഗിരീഷ് ഇല്ലെങ്കില്‍ ജല്ലിക്കട്ട് മാറ്റിവച്ചേനേ, പോത്തുകളെ ആര്‍ക്കും കൊടുത്തില്ല | ലിജോ പെല്ലിശേരി

സംവിധായകന്‍ ലോകേഷ് കനകരാജ് തന്നെയാണ് ചിത്രത്തിന് തിരക്കഥയൊരുക്കുന്നത്. സത്യന്‍ സൂര്യന്‍ ഛായാഗ്രഹണം നിര്‍വ്വഹിക്കുന്നു. സാം സി.എസ് ആണ് സംഗീത സംവിധാനം. ഫിലോമിന്‍ രാജാണ് എഡിറ്റിംഗ് കൈകാര്യം ചെയ്യുന്നത്. ഡ്രീം വാരിയര്‍ പിക്ചേഴ്സിന്റേയും വിവേകാനന്ദ പിക്ചേഴ്സിന്റേയും ബാനറില്‍ എസ്. ആര്‍.പ്രകാശ് ബാബു, എസ്. ആര്‍. പ്രഭു, തിരുപ്പൂര്‍ വിവേക് എന്നിവര്‍ ചേര്‍ന്നാണ് ചിത്രം നിര്‍മ്മച്ചിരിക്കുന്നത്.

Related Stories

No stories found.
logo
The Cue
www.thecue.in