54 മരണങ്ങൾ 38460 കോവിഡ് പുതിയ കേസുകൾ; പാർട്ടി ആസ്ഥാനത്തെ കരിമരുന്ന് പ്രയോഗം മനസ്സിലാക്കാനുള്ള കമ്മ്യൂണിസ്റ്റ് വളർച്ചയില്ലെന്ന് ഹരീഷ്

54 മരണങ്ങൾ 38460 കോവിഡ് പുതിയ കേസുകൾ; പാർട്ടി ആസ്ഥാനത്തെ കരിമരുന്ന് പ്രയോഗം മനസ്സിലാക്കാനുള്ള കമ്മ്യൂണിസ്റ്റ് വളർച്ചയില്ലെന്ന് ഹരീഷ്

കോവിഡ് വ്യാപനം ഗുരുതരമായ സാഹചര്യത്തിൽ ഇടത് മുന്നണി ആസ്ഥാനമായ എകെജി സെന്ററിൽ കരിമരുന്ന് പ്രയോഗം നടത്തി തുടർ ഭരണം നേടിയതിന്റെ ആഹ്ലാദ പ്രകടനത്തെ വിമർശിച്ച് നടൻ ഹരീഷ് പേരടി. ഫെയ്സ്ബുക്കിലൂടെയാണ് അദ്ദേഹം വിമർശനം പ്രകടിപ്പിച്ചത് . ‘38460 രോഗികൾ പുതുതായി ഉണ്ടായ ദിവസം 54 മരണങ്ങൾ നടന്ന ദിവസം ഉത്തരവാദിത്തപ്പെട്ട ഒരു പാർട്ടി ആസ്ഥാനത്തെ കരിമരുന്ന് പ്രയോഗം മനസ്സിലാക്കാനുള്ള കമ്മ്യൂണിസ്റ്റ് വളർച്ച എനിക്കില്ല. ഒരു പാട് പേജുകൾ ഉള്ള തടിച്ച പുസ്തകങ്ങൾ വായിക്കാത്തതിന്റെ കുഴപ്പമായിരിക്കാമെന്ന് അദ്ദേഹം കുറിച്ചു.

ഹരീഷ് പേരടിയുടെ ഫേസ്ബുക് കുറിപ്പ്

പാവപ്പെട്ട സഖാക്കൾ അവരവരുടെ വീട്ടിലിരുന്ന് വിളക്ക് കത്തിച്ച് സന്തോഷം പങ്കുവെച്ച് വിജയദിനം ആഘോഷിച്ചത് മനസ്സിലാക്കാനുള്ള കമ്മ്യൂണിസമേ എനിക്കറിയുകയുള്ളു...PPE കിറ്റ് അണിഞ്ഞ് ആബുലൻസിന്റെ സമയത്തിന് കാത്തു നിൽക്കാതെ ബൈക്കിൽ കൊണ്ടുപോയി ഒരു കോവിഡ് രോഗിയുടെ ജീവൻ രക്ഷിച്ച രണ്ട് DYFI  സഖാക്കളുടെ കമ്മ്യുണിസം എനിക്ക് 101 ശതമാനവും  മനസ്സിലാക്കാൻ പറ്റുന്നുണ്ട്. 38460 രോഗികൾ പുതുതായി ഉണ്ടായ ദിവസം 54 മരണങ്ങൾ നടന്ന ദിവസം ഉത്തരവാദിത്വപ്പെട്ട ഒരു പാർട്ടി ആസ്ഥാനത്തെ കരിമരുന്ന് പ്രയോഗം മനസ്സിലാക്കാനുള്ള കമ്മ്യൂണിസ്റ്റ് വളർച്ച എനിക്കില്ല...ഒരു പാട് പേജുകൾ ഉള്ള തടിച്ച പുസ്തകങ്ങൾ വായിക്കാത്തതിന്റെ കുഴപ്പമാണ്...ക്ഷമിക്കുക

Related Stories

No stories found.
logo
The Cue
www.thecue.in