വൈശാഖിന്റെ പുതിയ സിനിമ 'നൈറ്റ് ഡ്രൈവ്' ചിത്രീകരണം തുടങ്ങി. ഇന്ദ്രജിത്ത്, റോഷന്‍ മാത്യു, അന്ന ബെന്‍ എന്നിവരാണ് റോഡ് ത്രില്ലര്‍ ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നത്. ആന്‍ മെഗാ മീഡിയയുടെ ബാനറില്‍ പ്രിയ വേണു, നീറ്റ പിന്റോ എന്നിവരാണ് ചിത്രം നിര്‍മ്മിക്കുന്നത്.
അഭിലാഷ് പിള്ളയാണ് തിരക്കഥ. രണ്ട് വര്‍ഷം മുമ്പ് അഭിലാഷ് പിള്ള എഴുതി തീര്‍ത്ത കഥയാണിതെന്നും, അന്ന് ഈ സിനിമ ചെയ്യാന്‍ താന്‍ ആഗ്രഹിച്ചിരുന്നുവെന്നും വൈശാഖ് സോഷ്യല്‍ മീഡിയയില്‍ പങ്കുവെച്ച കുറിപ്പില്‍ പറയുന്നു. ഇത്രയും നാള്‍ കാത്തിരുന്ന തിരക്കഥാകൃത്തിനും, ചിത്രത്തിന്റെ നിര്‍മ്മാതാക്കള്‍ക്കും, അഭിനേതാക്കള്‍ക്കും നന്ദി പറയുന്നതായും വൈശാഖ് കുറിച്ചു.
ഷാജി കുമാറാണ് ഛായാഗ്രഹണം, മുരുകന്‍ കാട്ടാക്കടയുടെ വരികള്‍ക്ക് സംഗീതം രജിന്‍രാജ് ആണ്. എഡിറ്റിറ്റിങ് സുനില്‍ എസ്.പിള്ള.
