മമ്മൂട്ടി-എസ്.എന്‍ സ്വാമി- കെ മധു കൂട്ടുകെട്ടില്‍ പിറന്ന സേതുരാമയ്യര്‍ സീരീസിന്റെ അഞ്ചാം ഭാഗം സി.ബി.ഐ ദ ബ്രെയിന്‍ ഇനി ഒ.ടി.ടിയില്‍. ചിത്രത്തിന്റെ സ്ട്രീമിംഗ് റൈറ്റ്‌സ് നെറ്റ്ഫ്‌ലിക്‌സ് സ്വന്തമാക്കി. ചിത്രം ജൂണ്‍് 12 മുതല്‍ സ്ട്രീം ചെയ്യും.
മലയാളി പ്രേക്ഷകര്‍ ഈ വര്‍ഷം ആകാംഷയോടെ കാത്തിരുന്ന സിനിമയായിരുന്നു 'CBI 5 : ദി ബ്രെയിന്‍'. ഒരു സിബിഐ ഡയറികുറിപ്പ്, ജാഗ്രത, സേതുരാമയ്യര്‍ സിബിഐ, നേരറിയാന്‍ സിബിഐ എന്നിവയ്ക്ക് ശേഷം പതിനഞ്ച് വര്‍ഷങ്ങള്‍ക്ക് ശേഷമായിരുന്നു ഈ കൂട്ടുകെട്ടില്‍ വീണ്ടുമൊരു ചിത്രമൊരുങ്ങിയത്. നടന്‍ ജഗതി ശ്രീകുമാര്‍ വര്‍ഷങ്ങള്‍ക്ക് ശേഷം വീണ്ടും സ്‌ക്രീനിലെത്തി എന്നതും ചിത്രത്തിന്റെ പ്രത്യേകതയായിരുന്നു.
രഞ്ജി പണിക്കര്‍, സായ്കുമാര്‍, രമേഷ് പിഷാരടി, സൗബിന്‍ ഷാഹിര്‍, പ്രതാപ് പോത്തന്‍, മുകേഷ്, അനൂപ് മേനോന്‍,ദിലീഷ് പോത്തന്‍, സന്തോഷ് കീഴാറ്റൂര്‍, ഇടവേള ബാബു, ആശാ ശരത്ത്, കനിഹ, മാളവിക മേനോന്‍, സ്വാസിക തുടങ്ങിയവരാണ് ചിത്രത്തിലെ മറ്റു കഥാപാത്രങ്ങള്‍ അവതരിപ്പിക്കുന്നത്.
അഖില്‍ ജോര്‍ജ് ഛായാഗ്രഹണം ചെയ്ത ഈ ചിത്രം എഡിറ്റ് ചെയ്തിരിക്കുന്നത് ശ്രീകര്‍ പ്രസാദ് ആണ്. ജേക്‌സ് ബിജോയ് ആണ് ചിത്രത്തിന്റെ സംഗീത സംവിധായകന്‍.
