സംസ്ഥാനത്ത് ഇന്ന് 6820 പേര്‍ക്ക് കൊവിഡ്; 5935 സമ്പര്‍ക്ക രോഗികള്‍

സംസ്ഥാനത്ത് ഇന്ന് 6820 പേര്‍ക്ക് കൊവിഡ്; 5935 സമ്പര്‍ക്ക രോഗികള്‍

സംസ്ഥാനത്ത് ഇന്ന് 6820 പേര്‍ക്ക് കൊവിഡ് 19 സ്ഥിരീകരിച്ചു. 26 പേരുടെ മരണമാണ് ഇന്ന് കൊവിഡ് മൂലമാണെന്ന് സ്ഥിരീകരിച്ചത്. 84,087 പേരാണ് നിലവില്‍ ചികിത്സയിലുള്ളതെന്നും മുഖ്യമന്ത്രി പിണറായി വിജയന്‍ വാര്‍ത്താസമ്മേളനത്തില്‍ അറിയിച്ചു.

5935 പേര്‍ക്ക് സമ്പര്‍ക്കം മൂലമാണ് രോഗബാധയുണ്ടായത്. 730 പേരുടെ ഉറവിടം വ്യക്തമല്ല. രോഗം സ്ഥിരീകരിച്ചവരില്‍ 60 പേര്‍ ആരോഗ്യപ്രവര്‍ത്തകരാണ്. കഴിഞ്ഞ 24 മണിക്കൂറില്‍ 61,388 സാമ്പിളുകള്‍ പരിശോധിച്ചു. 7699 പേരാണ് ഇന്ന് രോഗമുക്തരായത്.

കേരളത്തില്‍ ഒരേ സമയം ചികിത്സയിലിരിക്കുന്ന രോഗികളുടെ എണ്ണം പരമാവധിയിലെത്തിയത് ഒക്ടോബറിലായിരുന്നു. അതിന് ശേഷം രോഗികളുടെ എണ്ണം കുറഞ്ഞ് വരുന്നതായും മുഖ്യമന്ത്രി പറഞ്ഞു. രോഗികളുടെ എണ്ണം കുറഞ്ഞുവെന്ന് കരുതി മുന്‍കരുതലില്‍ അനാസ്ഥ കാട്ടരുതെന്നും മുഖ്യമന്ത്രി ആവശ്യപ്പെട്ടു.

Related Stories

No stories found.
logo
The Cue
www.thecue.in