സംസ്ഥാനത്ത് ഇന്ന് 1167 പേര്ക്ക് കൊവിഡ് 19 സ്ഥിരീകരിച്ചു. 679 പേര് രോഗമുക്തരായി. 888 പേര്ക്കാണ് സമ്പര്ക്കത്തിലൂടെ രോഗം ബാധിച്ചതെന്നും മുഖ്യമന്ത്രി പിണറായി വിജയന് വാര്ത്താസമ്മേളനത്തില് അറിയിച്ചു. 55 പേരുടെ ഉറവിടം വ്യക്തമല്ല. ഇന്ന് രോഗം സ്ഥിരീകരിച്ചവരില് 122 പേര് വിദേശത്ത് നിന്നും, 96 പേര് മറ്റ് സംസ്ഥാനങ്ങളില് നിന്നും വന്നവരാണ്.
33 ആരോഗ്യ പ്രവര്ത്തകര്ക്കാണ് ചൊവ്വാഴ്ച കൊവിഡ് സ്ഥിരീകരിച്ചത്. ഇന്ന് നാല് മരണവും റിപ്പോര്ട്ട് ചെയ്തു. എറണാകുളം സ്വദേശി അബുബക്കര് (72), കാസര്കോട് സ്വദേശി അബ്ദുറഹിമാന് (70), ആലപ്പുഴ സ്വദേശി സൈനുദ്ദീന് (65), തിരുവനന്തപുരം സ്വദേശി സെല്വമണി (65) എന്നിവരാണ് ഇന്ന് മരിച്ചത്.
തിരുവനന്തപുരം, കോട്ടയം, മലപ്പുറം, തൃശൂര് ജില്ലകളില് പുതുതായി രോഗം സ്ഥിരീകരിച്ചവരുടെ എണ്ണം 100ന് മുകളിലാണ്. ഇന്ന് രോഗം സ്ഥിരീകരിച്ചവരുടെ ജില്ല തിരിച്ചുള്ള കണക്ക്: തിരുവനന്തപുരം 227, കോട്ടയം 118, മലപ്പുറം 112, തൃശൂര് 109, കൊല്ലം 95, പാലക്കാട് 86, ആലപ്പുഴ 84, എറണാകുളം 70, കോഴിക്കോട് 67, പത്തനംതിട്ട 63, വയനാട് 53, കണ്ണൂര് 43, കാസര്കോട് 38, ഇടുക്കി 7.
നെഗറ്റീവായവരുടെ ജില്ല തിരിച്ചുള്ള കണക്ക്: തിരുവനന്തപുരം 170, കൊല്ലം 70, പത്തനംതിട്ട 78, ആലപ്പുഴ 80, കോട്ടയം 20, ഇടുക്കി 27, എറണാകുളം 83, തൃശൂര് 45, പാലക്കാട് 40, മലപ്പുറം 34, കോഴിക്കോട് 13, വയനാട് 18, കണ്ണൂര് 15, കാസര്കോട് 36.
കഴിഞ്ഞ 24 മണിക്കൂറില് 19,140 സാമ്പിളുകള് പരിശോധിച്ചു. നിലവില് 10,091 പേരാണ് ചികിത്സയിലുള്ളത്. 1167 പേരെ ഇന്ന് മാത്രം ആശുപത്രിയില് പ്രവേശിപ്പിച്ചു. ഇതുവരെ 20896 പേര്ക്കാണ് ഇതുവരെ രോഗം സ്ഥിരീകരിച്ചിരിക്കുന്നത്. 1,50,716 പേര് സംസ്ഥാനത്ത് നിരീക്ഷണത്തിലുണ്ട്. 486 ഹോട്ട്സ്പോട്ടുകളാണ് സംസ്ഥാനത്തുള്ളത്.