രാജ്യത്ത് കൊവിഡ് രോഗികളുടെ എണ്ണത്തില് വീണ്ടും വര്ധനവ്. കഴിഞ്ഞ 24 മണിക്കൂറിനിടെ 12,881 പുതിയ കേസുകളാണ് റിപ്പോര്ട്ട് ചെയ്തത്. ഇതോടെ ആകെ കേസുകളുടെ എണ്ണം 3,66,946 ആയി. 334 പേരുടെ മരണം റിപ്പോര്ട്ട് ചെയ്തതോടെ ആകെ മരണം 12,237 ആയി.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കേന്ദ്ര ആരോഗ്യ മന്ത്രാലയത്തിന്റെ കണക്കുകള് പ്രകാരം നിലവില് 1,60,384 പേരാണ് ചികിത്സയിലുള്ളത്. 1,94,324 പേര് രോഗമുക്തരായി. രോഗബാധിതര് ഏറ്റവും കൂടുതലുള്ള മഹാരാഷ്ട്രയില് 1,16,752 കേസുകളാണ് റിപ്പോര്ട്ട് ചെയ്തത്. 5651 പേര് മരിക്കുകയും ചെയ്തു.
ഡല്ഹിയില് ഇതുവരെ 47,102 പേര്ക്ക് രോഗം സ്ഥിരീകരിക്കുകയും 1904 മരണങ്ങള് റിപ്പോര്ട്ട് ചെയ്യുകയും ചെയ്തു. തമിഴ്നാട്ടില് രോഗം സ്ഥിരീകരിച്ചവരുടെ എണ്ണം അര ലക്ഷം കടന്ന് 50,193 ആയി. 576 പേരാണ് മരിച്ചത്. 25,093 പേര്ക്ക് രോഗം സ്ഥിരീകരിച്ച ഗുജറാത്തില് 1560 മരണമാണ് റിപ്പോര്ട്ട് ചെയ്തത്.