Coronavirus

ബിവറേജിലെ സമയം മാറ്റി; 10 മുതല്‍ 5 വരെ മാത്രം മദ്യ വില്‍പ്പന

കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി സംസ്ഥാനത്തെ ബിവറേജ് ഔട്ട്‌ലെറ്റുകളുടെ പ്രവര്‍ത്തന സമയം മാറ്റി. രാവിലെ 10 മണി മുതല്‍ വൈകീട്ട് അഞ്ച് മണി വരെയാണ് ബിവറേജ് ഔട്ട്‌ലെറ്റുകള്‍ തുറക്കുക. നിലവില്‍ 10 മണി മുതല്‍ രാത്രി 9 മണി വരെയാണ് പ്രവര്‍ത്തിക്കുന്നത്.

Also Read: കടകള്‍ തുറക്കുന്നത് 7 മുതല്‍ 5 വരെ; ഉത്തരവിലെ പിഴവെന്ന് മന്ത്രി കടകംപള്ളി സുരേന്ദ്രന്‍

ബിവറേജിലെത്തുന്നവര്‍ ആരോഗ്യവകുപ്പ് നല്‍കിയ നിര്‍ദേശങ്ങള്‍ കര്‍ശനമായി പാലിക്കണമെന്ന് എക്‌സൈസ് മന്ത്രി ടിപി രാമകൃഷ്ണന്‍ ആവശ്യപ്പെട്ടു. ഒന്നര മീറ്റര്‍ അകലത്തിലായിരിക്കണം ക്യൂവില്‍ നില്‍ക്കേണ്ടത്. തൊഴിലാളികള്‍ മാസ്‌ക് ധരിച്ചാണ് ബിവറേജില്‍ ജോലി ചെയ്യേണ്ടത്.

Also Read: ‘കവര്‍ ഒന്നിന് 59 രൂപ, മൂന്നെണ്ണത്തിന് 177, പരസ്യമുള്ള ബാഗ് എന്തിന് വാങ്ങണം’ ; കൊവിഡ് 19 ദുരിതത്തിലും കടുത്ത ചൂഷണമെന്ന് രതീഷ് വേഗ 

നിര്‍ദേശങ്ങള്‍ ലംഘിക്കുന്നവര്‍ക്കെതിരെ നടപടിയുണ്ടാകുമെന്നും മന്ത്രി ടിപി രാമകൃഷ്ണന്‍ മുന്നറിയിപ്പ് നല്‍കി. ബിവറേജിലെ തിരക്ക് നിയന്ത്രിക്കാന്‍ പൊലീസിന്റെ സഹായം തേടിയിട്ടുണ്ട്. പരിശോധനയും കര്‍ശനമാക്കും.

Also Read: കൊവിഡിന് മലേറിയയുടെ മരുന്ന്; ഡ്രഗ് കണ്‍ട്രോള്‍ വിഭാഗം അനുമതി നല്‍കി

സംസ്ഥാനത്തെ ബാറുകള്‍ അടച്ചിട്ടിരിക്കുകയാണ്. ബാറുകളിലെ പ്രത്യേക കൗണ്ടറുകള്‍ വഴി മദ്യവില്‍പ്പന നടത്തുന്ന കാര്യം തീരുമാനിച്ചിട്ടില്ലെന്നും മന്ത്രി ടിപി രാമകൃഷ്ണന്‍ അറിയിച്ചു.