Coronavirus

കൊവിഡ് 19 വൈറസ് ബാധയില്‍ രാജ്യത്ത് മരണം നാലായി ; ചികിത്സയിലായിരുന്ന പഞ്ചാബ് സ്വദേശി മരിച്ചു 

കൊവിഡ് 19 നെ തുടര്‍ന്ന് രാജ്യത്ത് മരണം നാലായി. പഞ്ചാബ് സ്വദേശിയാണ് വ്യാഴാഴ്ച മരണത്തിന് കീഴടങ്ങിയത്. ഷഹീദ് ഭഗത് സിംഗ് നഗറിലെ പത്‌ലാവ സ്വദേശിയാണ് മരിച്ചത്. ഇദ്ദേഹത്തിന് 70 വയസ്സായിരന്നു. ബങ്കയിലെ സര്‍ക്കാരാശുപത്രിയില്‍ ഐസൊലേഷന്‍ ഐസിയുവിലായിരുന്നു. ഇദ്ദേഹം ജര്‍മനിയില്‍ നിന്ന് ഇറ്റലി വഴി ഇന്ത്യയില്‍ എത്തിയതാണ്.

Also Read: കൊവിഡിന് മന്ത്രിച്ച് ഊതിയ വെള്ളം; കൊച്ചിയില്‍ യുവതി പിടിയില്‍

തുടര്‍ന്ന് രക്തസാമ്പിളുകള്‍ പരിശോധനയ്ക്കയച്ചതോടെ ഫലം പോസിറ്റീവാണെന്ന് വ്യക്തമായി. കടുത്ത നെഞ്ചുവേദനയെ തുടര്‍ന്നായിരുന്നു അന്ത്യമെന്ന് അധികൃതര്‍ വ്യക്തമാക്കി. മരണനിരക്ക് നാലായതോടെ കേന്ദ്രസര്‍ക്കാര്‍ കടുത്ത നിയന്ത്രണങ്ങള്‍ ഏര്‍പ്പെടുത്തുകയാണ്. 65 വയസ്സിന് മുകളിലുള്ളവരും 10 വയസ്സിന് താഴെയുള്ളവരും വീടുകളില്‍ തന്നെ തുടരണമെന്ന് കേന്ദ്രം ആവശ്യപ്പെട്ടു. വിദേശ യാത്രാ വിമാനങ്ങള്‍ക്ക് ഞായറാഴ്ച മുതല്‍ ഒരാഴ്ചത്തേക്ക് വിലക്കേര്‍പ്പെടുത്തുകയും ചെയ്തു.

Also Read: ‘കൊറോണയെ തുരത്താന്‍ 15 മിനിട്ട് വെയിലുകൊണ്ടാല്‍ മതി ‘; അശാസ്ത്രീയ വാദവുമായി കേന്ദ്ര ആരോഗ്യസഹമന്ത്രി 

ചെന്നൈയില്‍ ഒരാള്‍ക്ക് കൂടി കൊവിഡ് 19 സ്ഥിരീകരിച്ചിട്ടുണ്ട്. അയര്‍ലണ്ട് സ്വദേശിയായ വിദ്യാര്‍ത്ഥിക്കാണ് രോഗബാധ. ഈ മാസം 17 നാണ് വിദ്യാര്‍ത്ഥി ചെന്നൈ വിമാനത്താവളത്തില്‍ എത്തിയത്. ചെന്നൈയില്‍ ഇതുവരെ 3 പേര്‍ക്കാണ് രോഗബാധ സ്ഥിരീകരിച്ചിരിക്കുന്നത്. വൈറസ് ബാധയുടെ പശ്ചാത്തലത്തില്‍ തിരുപ്പതി ക്ഷേത്രം അടച്ചിരിക്കുകയാണ്.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം