നാര്ക്കോട്ടിക് ജിഹാദ് പരാമര്ശത്തില് പാലാ ബിഷപ്പിന് പിന്തുണയുമായി ഇരിങ്ങാലക്കുട ബിഷപ്പ് പോളി കണ്ണൂക്കാടന്. ലൗ ജിഹാദിനും ലഹരി ജിഹാദിനുമെതിരെ കരുതല് വേണം, മാതാപിതാക്കള് ഇക്കാര്യത്തില് കൂടുതല് ജാഗ്രത കാണിക്കണമെന്നും ബിഷപ്പ് പോളി കണ്ണൂക്കാടന് ആവശ്യപ്പെടുന്നുണ്ട്.
ക്രൈസ്തവ കുടുംബങ്ങളില് നാല് കുട്ടികളെങ്കിലും വേണം. യുവാക്കളുടെയും യുവതികളുടെയും കാര്യത്തില് മാതാപിതാക്കള് കൂടുതല് ശ്രദ്ധ കാണിക്കണമെന്നും പ്രസംഗത്തില് ബിഷപ്പ് പറയുന്നുണ്ട്. ഇരിങ്ങാലക്കുട പള്ളിയില് നടത്തിയ പ്രസംഗത്തിന്റെ വീഡിയോയാണ് പുറത്ത് വന്നിരിക്കുന്നത്.
ലൗ ജിഹാദിനൊപ്പം കേരളത്തില് നാര്ക്കോട്ടിക്ക് ജിഹാദുമുണ്ടെന്നുമായിരുന്നു പാലാ ബിഷപ്പ് മാര് ജോസഫ് കല്ലറങ്ങാട്ടിന്റെ ആരോപണം. അമുസ്ലിങ്ങളായവരെ പ്രത്യേകിച്ച് യുവജനങ്ങളെ മയക്കുമരുന്നിന് അടിമയാക്കി അവരുടെ ജീവിതം നശിപ്പിച്ചു കളയുന്നതിനെയാണ് നാര്ക്കോട്ടിക് ജിഹാദ് എന്ന് പറയുന്നതെന്ന വിചിത്ര വാദങ്ങളാണ് ബിഷപ്പ് ജോസഫ് കല്ലറങ്ങാട്ട് ഉന്നയിച്ചത്. കേരളത്തില് ലൗ ജിഹാദില്ലെന്ന് പറയുന്നവര് കണ്ണടച്ച് ഇരുട്ടാക്കാന് ശ്രമിക്കുകയാണെന്നും കല്ലറങ്ങാട്ട് പറഞ്ഞിരുന്നു.