കിഴക്കമ്പലം കിറ്റെക്സില് വീണ്ടും പരിശോധന. ജില്ലാ വികസന സമിതി യോഗത്തില് പി.ടി തോമസ് എം.എല്.എ ഉന്നയിച്ച പരാതിയിലാണ് എത്തിയതെന്ന് പരിശോധനക്കെത്തിയ ഉദ്യോഗസ്ഥര് അറിയിച്ചതായി കിറ്റെക്സ് എം.ഡി സാബു ജേക്കബ്.
സംസ്ഥാന തലത്തില് ഉന്നത ഉദ്യോഗസ്ഥ സംഘം വ്യത്യസ്ത വകുപ്പുകളുടെ പരിശോധന ഏകജാലകത്തിലൂടെ ഏകോപിപ്പിക്കുമെന്നായിരുന്നു വ്യവസായ മന്ത്രിയുടെ പ്രഖ്യാപനമെന്നും സര്ക്കാരും മന്ത്രിമാരും എന്തെല്ലാം വാഗ്ദാനങ്ങള് പ്രഖ്യാപിച്ചാലും അതൊന്നും നടപ്പിലാവില്ലെന്നതിന് ഉദാഹരണമാണ് ഈ പരിശോധനയെന്ന് സാബു ജേക്കബ് പ്രതികരിച്ചു.
സംസ്ഥാന ജല വിഭവ വകുപ്പിന്റെ കീഴിലുള്ള ഭൂഗര്ഭ ജല അതോറിറ്റിയാണ് മിന്നല് പരിശോധന നടത്തിയത്. കിറ്റെക്സില് തുടര്ച്ചയായി പരിശോധനകള് നടത്തുന്നുവെന്നും സര്ക്കാര് ദ്രോഹിക്കുന്നുവെന്നും ആരോപിച്ച് 3500 കോടിയുടെ നിക്ഷേപദ്ധതിയില് നിന്ന് സാബു ജേക്കബ് പിന്മാറിയിരുന്നു. തെലങ്കാനയില് 1000 കോടിയുടെ പദ്ധതി തുടങ്ങുമെന്നും പിന്നീട് സാബു പ്രഖ്യാപിച്ചിരുന്നു.