എം.ജി.എം. സ്റ്റുഡിയോസ് ഇനി ആമസോണിന് സ്വന്തം

എം.ജി.എം. സ്റ്റുഡിയോസ് ഇനി ആമസോണിന് സ്വന്തം

ആഗോള ടെക് കമ്പനിയായ ആമസോൺ ഹോളിവുഡിലെ പ്രശസ്തമായ എം.ജി.എം. സ്റ്റുഡിയോസ് സ്വന്തമാക്കുന്നു. ഏതാണ്ട് 61,500 കോടി രൂപയ്ക്കാണ് സ്വന്തമാക്കിയിരിക്കുന്നത് . 2017-ൽ 1,370 കോടി ഡോളറിന് ഹോൾ ഫുഡ്സ് എന്ന കമ്പനിയെ ആമസോൺ സ്വന്തമാക്കിയിരുന്നു. ആമസോണിനെ സംബന്ധിച്ചിടത്തോളം രണ്ടാമത്തെ വലിയ ഏറ്റെടുക്കലാണ്. ലോകത്തിലെ ഏറ്റവും പഴയ ചലച്ചിത്ര സ്റ്റുഡിയോകളിലൊന്നായ എം.ജി.എം. ചലച്ചിത്ര നിർമാണ, വിതരണ രംഗങ്ങളിലും വലിയ ആധിപത്യമുണ്ട് .

മെട്രോ പിക്ചേഴ്സ് എന്ന പേരിൽ 1924-ൽ ആയിരുന്നു എംജിഎമ്മിന്റെ തുടക്കം. ഗോൾഡ് വിൻ പിക്ചേഴ്സ്, ലൂയിസ് ബി.മേയർ പിക്ചേഴ്സ് എന്നിവയെക്കൂടി ഏറ്റെടുത്തതോടെ കമ്പനിയുടെ പേര് മെട്രോ ഗോൾഡ് വിൻ മേയർ (എം.ജി.എം.) എന്നായി മാറി . ജെയിംസ് ബോണ്ട് ചിത്രങ്ങൾ, ബോക്സിങ് ചിത്രങ്ങളായ റോക്കി എന്നിവയൊക്കെ എംജിഎം ആയിരുന്നു നിർമ്മിച്ചത് .

2010 ലാണ് വിനോദ രംഗത്തേയ്ക്കും ആമസോൺ കടന്നത്. ഇപ്പോൾ ആമസോൺ സ്റ്റുഡിയോസ് എന്ന പേരിൽ അമേരിക്കൻ ടെലിവിഷൻ പരമ്പരകളും ചിത്രങ്ങളും നിർമിക്കുകയും വിതരണം ചെയ്യുകയും ചെയ്യുന്നുണ്ട്.

No stories found.
The Cue
www.thecue.in