സി.പി.എം നേതാക്കളായ ടി.വി രാജേഷും മുഹമ്മദ് റിയാസും റിമാന്‍ഡില്‍. കോഴിക്കോട് ജെ.സി.എം കോടതിയാണ് റിമാന്‍ഡ് ചെയ്തിരിക്കുന്നത്. 14 ദിവസത്തേക്കാണ് റിമാന്‍ഡ് ചെയ്തിരിക്കുന്നത്.
എയര്‍ ഇന്ത്യ ഓഫീസ് ഉപരോധിച്ചതിനാണ് കേസ്.വിമാന യാത്രാക്കൂലി വര്‍ധനവിനെതിരെയും വിമാനങ്ങള്‍ റദ്ദ് ചെയ്യുന്നതിനെതിരെ പ്രതിഷേധിച്ച കേസിലാണ് കോടതി നടപടി. 2009ലായിരുന്നു സമരം.
കേസില്‍ ജാമ്യത്തിലായിരുന്നു ടി.വി രാജേഷും മുഹമ്മദ് റിയാസും. ജാമ്യ കാലാവധി കഴിഞ്ഞിരുന്നു. വീണ്ടും ജാമ്യം എടുക്കാന്‍ എത്തിയപ്പോഴായിരുന്നു ജഡ്ജി റിമാന്‍ഡ് ചെയ്തത്.
ഡി.വൈ.എഫ്.ഐ സംസ്ഥാന സെക്രട്ടറിയായിരുന്നു അന്ന് ടി.വി രാജേഷ്. സമരം ഉദ്ഘാടനം ചെയ്തത് ടി.വി രാജേഷായിരുന്നു. സംസ്ഥാന ജോയിന്റെ സെക്രട്ടറിയായിരുന്നു മുഹമ്മദ് റിയാസ്. ജില്ലാ സെക്രട്ടറി കെ.കെ ദിനേശനെയും റിമാന്‍ഡ് ചെയ്തിട്ടുണ്ട്.
