'അമിത്ഷായെയും ഹിന്ദു ദൈവങ്ങളെയും അപമാനിച്ചു', സ്റ്റാന്‍ഡ് അപ് കൊമേഡിയന്‍ മുനവര്‍ ഫാറൂഖി അടക്കം അഞ്ച് പേര്‍ അറസ്റ്റില്‍

'അമിത്ഷായെയും ഹിന്ദു ദൈവങ്ങളെയും അപമാനിച്ചു', സ്റ്റാന്‍ഡ് അപ് കൊമേഡിയന്‍ മുനവര്‍ ഫാറൂഖി അടക്കം അഞ്ച് പേര്‍ അറസ്റ്റില്‍

കേന്ദ്രഅഭ്യന്തരമന്ത്രി അമിത്ഷായെയും ഹിന്ദു ദൈവങ്ങളെയും അപമാനിച്ചെന്ന പരാതിയില്‍ സ്റ്റാന്‍ഡ് അപ്പ് കൊമേഡിയന്‍ മുനവര്‍ ഫാറൂഖി അടക്കം അഞ്ച് പേര്‍ അറസ്റ്റില്‍. ഇന്‍ഡോറില്‍ നടന്ന ന്യൂ ഇയര്‍ ഷോക്കിടെ മോശപ്പെട്ട പദപ്രയോഗത്തിലൂടെ അമിത്ഷായെയും ഹിന്ദു ദൈവങ്ങളെയും അധിക്ഷേപിച്ചുവെന്നാണ് പരാതി.

ബി.ജെ.പി. എം.എല്‍.എയുടെ മകനായ ഏകലവ്യ ഗൗറാണ് പരാതി നല്‍കിയത്. പരിപാടിയുടെ സംഘാടകരാണ് അറസ്റ്റിലായ മറ്റ് നാല് പേര്‍. ഐ.പി.സി 188, 269, 34, 295 എ എന്നീ വകുപ്പുകള്‍ പ്രകാരമാണ് ഇവര്‍ക്കെതിരെ കേസെടുത്തിരിക്കുന്നത്. അഞ്ചുപേരെയും ഇന്‍ഡോര്‍ ജില്ലാ കോടതി ജനുവരി 13 വരെ ജുഡീഷ്യല്‍ കസ്റ്റഡിയില്‍ വിട്ടു.

ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

പൊലീസ് അറസ്റ്റ് ചെയ്യുന്നതിന് മുമ്പ് മുനവര്‍ ഫാറൂഖിയെ ഹിന്ദു രക്ഷക് പ്രവര്‍ത്തകര്‍ മര്‍ദ്ദിച്ചതായും റിപ്പോര്‍ട്ടുണ്ട്. എന്നാല്‍ ആരോപണം ഏകലവ്യ ഗൗര്‍ നിഷേധിച്ചു. ഗോധ്ര സംഭവവും കേന്ദ്രആഭ്യന്തര മന്ത്രി അമിത്ഷായെയും പരിപാടിയില്‍ അനുചിതമായി പരാമര്‍ശിക്കുകയാണുണ്ടായതെന്നും ഗൗര്‍ ആരോപിച്ചു.

Comedian Munawar Faruqui and 4 others Arrested

Related Stories

No stories found.
logo
The Cue
www.thecue.in