ബീഹാറില്‍ ലീഡ് നേടി എന്‍ഡിഎ; തിരിച്ചടിയേറ്റ് നിതീഷ്

ബീഹാറില്‍ ലീഡ് നേടി എന്‍ഡിഎ; തിരിച്ചടിയേറ്റ് നിതീഷ്

ഇഞ്ചോടിഞ്ച് പോരാട്ടം നടക്കുന്ന ബീഹാറില്‍ എന്‍.ഡി.എ സഖ്യത്തിന്റെ ലീഡ് നിലയില്‍ കേവലഭൂരിപക്ഷത്തിലേക്ക് എത്തി. മഹാസഖ്യത്തിന്റെ ലീഡ് നില കുറഞ്ഞു. നിതീഷ് കുമാറിനും ജെ.ഡി.യുവിനും തിരിച്ചടിയേല്‍ക്കുന്നുവെന്നാണ് റിപ്പോര്‍ട്ട്. പന്ത്രണ്ട് സീറ്റുകളില്‍ ഇടതുപക്ഷം ലീഡ് ചെയ്യുന്നുണ്ട്.

122 സീറ്റാണ് കേവല ഭൂരിപക്ഷത്തിന് ആവശ്യമുള്ളത്. 125 സീറ്റില്‍ വരെ എന്‍.ഡി.എ ലീഡ് ചെയ്യുന്നുണ്ടായിരുന്നു. 112 സീറ്റുകളിലാണ് മഹാസഖ്യത്തിന് ലീഡുള്ളത്. ആദ്യഘട്ടത്തില്‍ മഹാസഖ്യമായിരുന്നു മുന്നേറിയിരുന്നതെങ്കില്‍ പിന്നീട് ഇഞ്ചോടിഞ്ച് പോരാട്ടമായി മാറുകയായിരുന്നു.

എല്‍.ജെ.പി എട്ട് സീറ്റില്‍ മുന്നേറുന്നുണ്ട്. കോണ്‍ഗ്രസിന് 21 സീറ്റുകളിലാണ് ലീഡുള്ളത്. സീറ്റുകളുടെ എണ്ണത്തില്‍ ബി.ജെ.പി നേട്ടം കൊയ്യുന്നുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

Related Stories

The Cue
www.thecue.in