നടിയെ ആക്രമിച്ച കേസില് വിചാരണ നിര്ത്തിവെക്കാന് ഹൈക്കോടതി ഉത്തരവ്. വെള്ളിയാഴ്ച വരെ വിചാരണ നിര്ത്തിവെക്കാനാണ് കോടതിയുടെ നിര്ദേശം. വിചാരണ കോടതി മാറ്റണമെന്ന് ആവശ്യപ്പെട്ട് നടിയും സര്ക്കാരും കോടതിയെ സമീപിച്ചിരുന്നു. ഇക്കാര്യത്തില് വിശദമായ വാദം കേള്ക്കണമെന്നും ഹൈക്കോടതി വ്യക്തമാക്കി.
വിചാരണക്കോടതി പക്ഷപാതപരമായി പെരുമാറുന്നുവെന്ന് നടി ഹര്ജിയില് പറഞ്ഞിരുന്നു. നടിയെ പിന്തുണക്കുന്നതായിരുന്നു സര്ക്കാര് ഹൈക്കോടതിയില് സമര്പ്പിച്ച സത്യവാങ്മൂലവും.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
ആക്രമിക്കപ്പെട്ട നടിയുടെയും മഞ്ജു വാര്യരുടെയും മൊഴി രേഖപ്പെടുത്തുന്നതില് വിചാരണക്കോടതിക്ക് വീഴ്ച പറ്റിയെന്ന് സര്ക്കാര് ഹൈക്കോടതിയെ അറിയിച്ചിരുന്നു. മകളെ ഉപയോഗിച്ച് ദിലീപ് തന്നെ സ്വാധീനിക്കാന് ശ്രമിച്ചെന്ന മഞ്ജു വാര്യരുടെ മൊഴി വിചാരണക്കോടതി രേഖപ്പെടുത്തിയില്ല, ആക്രമിക്കപ്പെട്ട നടിയുടെ മൊഴി രേഖപ്പെടുത്തുന്നതിലും വീഴ്ച ഉണ്ടായെന്നും സത്യവാങ്മൂലത്തില് സര്ക്കാര് വ്യക്തമാക്കിയിരുന്നു.
Actress Attacked Case Trial Adjourned Till Friday