Around us

എറണാകുളത്ത് അഞ്ച് പേര്‍ക്ക് കൊവിഡ്; സ്ഥിരീകരിച്ചത് ബ്രിട്ടീഷ് പൗരനൊപ്പം എത്തിയവര്‍ക്ക് 

എറണാകുളത്ത് അഞ്ചുപേര്‍ക്ക് കൂടി കൊവിഡ് 19 സ്ഥിരീകരിച്ചു. നേരത്തെ കൊവിഡ് സ്ഥിരീകരിച്ച ബ്രിട്ടീഷ് പൗരനൊപ്പം എത്തിയ സംഘത്തിലുള്ളവര്‍ക്കാണ് രോഗം സ്ഥിരീകരിച്ചത്. ബാക്കി 12 പേരുടെ പരിശോധനാ ഫലം നെഗറ്റീവാണെന്നും മന്ത്രി വിഎസ് സുനില്‍കുമാര്‍ അറിയിച്ചു.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

രോഗം സ്ഥിരീകരിച്ചവരെ കളമശേരി മെഡിക്കല്‍ കോളേജ് ആശുപത്രിയിലേക്ക് മാറ്റി. അഞ്ചുപേരുടെയും നിലതൃപ്തികരമാണെന്നും മന്ത്രി അറിയിച്ചു. മൂന്നാറിലെ റിസോര്‍ട്ടില്‍ നിന്ന് അധികൃതരുടെ കണ്ണുവെട്ടിച്ച് ദുബായിലേക്ക് കടക്കാന്‍ ശ്രമിച്ച ബ്രിട്ടീഷ് പൗരനെയും സംഘത്തെയും വിമാനത്തില്‍ നിന്നിറക്കിയായിരുന്നു നിരീക്ഷണത്തിലേക്ക് മാറ്റിയിരുന്നത്.

ഈ സംഘത്തില്‍ അഞ്ച് പേര്‍ക്കാണ് ഇപ്പോള്‍ രോഗം സ്ഥിരീകരിച്ചത്. ഇതോടെ സംസ്ഥാനത്ത് രോഗം സ്ഥിരീകരിച്ച് ചികിത്സയിലുള്ളവരുടെ എണ്ണം 30 ആയി.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം