Around us

‘ആസാദ് സമാജ്’; രാഷ്ട്രീയപാര്‍ട്ടി പ്രഖ്യാപിച്ച് ചന്ദ്രശേഖര്‍ ആസാദ് 

രാഷ്ട്രീയപാര്‍ട്ടി പ്രഖ്യാപിച്ച് ഭീം ആര്‍മി നേതാവ് ചന്ദ്രശേഖര്‍ ആസാദ്. ബിഎസ്പി സ്ഥാപകന്‍ കാന്‍ഷി റാമിന്റെ ജന്മദിനാഘോഷത്തോടനുബന്ധിച്ച് നോയിഡയിലാണ് 'ആസാദ് സമാജ് പാര്‍ട്ടി'യുടെ പ്രഖ്യാപനം നടന്നത്. കാന്‍ഷി റാം മുന്നോട്ട് വെച്ച ദൗത്യം പൂര്‍ത്തിയാക്കുമെന്ന് ചന്ദ്രശേഖര്‍ ആസാദ് പറഞ്ഞു.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

Also Read: ‘രണ്ടു ദിവസം എറണാകുളത്ത്, അതിരപ്പിള്ളിയും ചെറുതുരുത്തിയും സന്ദര്‍ശിച്ച് മൂന്നാറിലേക്ക്’; കോവിഡ് സ്ഥിരീകരിച്ച യുകെ പൗരന്റെ യാത്ര 

ആസാദ് ബഹുജന്‍ പാര്‍ട്ടി, ബഹുജന്‍ അവാമി പാര്‍ട്ടി, ആസാദ് സമാജ് പാര്‍ട്ടി എന്നങ്ങനെയായിരുന്നു പാര്‍ട്ടിയുടെ ഔദ്യോഗിക പേരിനായി ഷോര്‍ട്ട് ലിസ്റ്റ് ചെയ്തിരുന്നത്. ഇതില്‍ നിന്നാണ് ആസാദ് സമാജ് പാര്‍ട്ടി എന്ന പേര് തെരഞ്ഞെടുത്തത്. ഭീം ആര്‍മി സ്റ്റുഡന്റ്‌സ് ഫെഡറേഷന്‍ എന്ന പേരില്‍ വിദ്യാര്‍ത്ഥി സംഘടനയ്ക്ക് നേരത്തെ രൂപം നല്‍കിയിരുന്നു.

Also Read: ഗുജറാത്തിലും കോണ്‍ഗ്രസിന് തിരിച്ചടി; നാല് എംഎല്‍എമാര്‍ രാജിവെച്ചു 

രാഷ്ട്രീയപാര്‍ട്ടി രൂപീകരിച്ചതിന് ശേഷം സാമൂഹിക-സാംസ്‌കാരിക സംഘടനയായി ഭീം ആര്‍മി മാറുമെന്ന് സംഘാടകര്‍ നേരത്തെ വ്യക്തമാക്കിയിരുന്നു. ദളിത്- മുസ്ലീം- പിന്നോക്ക വിഭഗക്കാരോട് പാര്‍ട്ടിയുമായി സഹകരിക്കാന്‍ ഭീം ആര്‍മി അഭ്യര്‍ത്ഥിച്ചു. പാര്‍ട്ടിയിലേക്ക് ആളുകളെ ക്ഷണിക്കാന്‍ വരും ദിവസങ്ങളില്‍ ഉത്തര്‍പ്രദേശില്‍ പരിപാടികള്‍ സംഘടിപ്പിക്കുമെന്നും റിപ്പോര്‍ട്ടുണ്ട്.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം