Around us

വിജയ്‌ക്കെതിരായ കേസ്: ആദായനികുതി വകുപ്പിന്റെ ക്ലീന്‍ ചിറ്റിന് പിന്നാലെ എന്‍ഫോഴ്‌സ്‌മെന്റ് അന്വേഷണം; ഭൂമിയിടപാടുകള്‍ പരിശോധിക്കും

നടന്‍ വിജയ്‌യുടെ സാമ്പത്തിക ഇടപാടുകള്‍ എന്‍ഫോഴ്‌സ്‌മെന്റ് അന്വേഷിക്കും. ഭൂമിയിടപാടുകളില്‍ നികുതി വെട്ടിപ്പ് നടന്നോയെന്നാണ് പരിശോധിക്കുക. കേസ് ഏറ്റെടുക്കുന്നതിന് മുന്നോടിയായി സാമ്പത്തിക ഇടപാടുകളുമായി ബന്ധപ്പെട്ട രേഖകള്‍ എന്‍ഫോഴ്‌സ്‌മെന്റ് ഉദ്യോഗസ്ഥര്‍ പരിശോധിച്ചു. വിജയ് നികുതി വെട്ടിപ്പ് നടത്തിയിട്ടില്ലെന്ന് ആദായനികുതി വകുപ്പ് വ്യക്തമാക്കിയിരുന്നു.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

Also Read: ‘എന്റെ അമ്മയെ വേശ്യയെന്ന് വിളിച്ചു, അനിയനെ തല്ലി’, എല്ലാത്തിനും തെളിവുണ്ട്, വിശാലിനെതിരെ പൊട്ടിത്തെറിച്ച് മിഷ്‌കിന്‍ 

ബിഗില്‍, മാസ്റ്റര്‍ സിനിമകളുടെ പ്രതിഫലവുമായി ബന്ധപ്പെട്ടായിരുന്നു ആദായനികുതി വകുപ്പ് നടന്‍ വിജയ്‌ക്കെതിരെ അന്വേഷണം നടത്തിയത്. കഴിഞ്ഞ മാസം മുപ്പത് മണിക്കൂര്‍ ചോദ്യം ചെയ്തിരുന്നു. ഈ രണ്ട് സിനിമകളുടെയും പ്രതിഫലത്തിന് നികുതിയടച്ചിട്ടുണ്ടെന്നാണ് ആദായ നികുതി വകുപ്പ് കണ്ടെത്തിയിരിക്കുന്നത്. അന്വേഷണത്തിന്റെ ഭാഗമായി ആദായ നികുതി വകുപ്പ് സീല്‍ ചെയ്ത വിജയ്‌യുടെ വീട്ടിലെ മുറികള്‍ തുറന്നു കൊടുത്തു.

Also Read: ബിഗ് ബോസ്സ് അതിക്രമം, രജിത് കുമാറിനെ അറസ്റ്റ് ചെയ്യാന്‍ സാധ്യതയെന്ന് വാര്‍ത്താ ഏജന്‍സി

വിജയ്‌യുടെ ഭൂമിയിടപാടുകളില്‍ നികുതി വെട്ടിപ്പ് നടന്നോയെന്നും ബിനാമി പേരുകളില്‍ സ്വത്ത് വാങ്ങിയിട്ടുണ്ടോയെന്നുമാണ് എന്‍ഫോഴ്‌സ്‌മെന്റ് പരിശോധിക്കുന്നത്. അന്‍പു ചെഴിയന്റെ സാമ്പത്തിക ഇടപാടുകളും അന്വേഷിക്കുന്നുണ്ട്.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം