Around us

'പൗഡറിട്ട് പത്രസമ്മേളനം നടത്തിയല്ല കെ കെ ശൈലജ ടീച്ചറമ്മയായത്';ആരോഗ്യമന്ത്രിക്ക് എങ്ങനെ ഉറങ്ങാനാകുമെന്ന് ജനീഷ് കുമാര്‍ എംഎല്‍എ

പൗഡറിട്ട്, പുട്ടിയിട്ട്, ഫേഷ്യല്‍ ചെയ്ത്, ഡൈ ചെയ്ത് പത്രസമ്മേളനം നടത്തിയല്ല ആരോഗ്യമന്ത്രി കെ കെ ശൈലജ ടീച്ചറമ്മയായതെന്ന് കെയു ജനീഷ് കുമാര്‍ എംഎല്‍എ. കൊവിഡ്19 റിപ്പോര്‍ട്ട് ചെയ്യുന്ന മേഖലകളില്‍ നേരിട്ടെത്തി പ്രതിരോധ പ്രവര്‍ത്തനങ്ങള്‍ക്ക് നേതൃത്വം നല്‍കുന്നു. അതില്‍ അസൂയപ്പെട്ടിട്ട് കാര്യമില്ലെന്നും കെയു ജനീഷ് കുമാര്‍ എംഎല്‍എ പ്രതിപക്ഷത്തിന് മറുപടി നല്‍കി.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

Also Read: ഇത്തരം ജീവികളുടെ പത്രസമ്മേളനം ബഹിഷ്‌ക്കരിക്കുക’, ചെന്നിത്തലക്കും സെന്‍കുമാറിനുമെതിരെ ഹരീഷ് പേരടി

ഒന്നിച്ച് നിന്ന് മഹാമാരിയെ പ്രതിരോധിക്കേണ്ട സാഹചര്യമാണ് ലോകം മുഴുവനുള്ളത്. ആ സമയത്ത് പ്രതിപക്ഷം അധഃപതിക്കരുത്. കേരളത്തിലെ മുഴുവന്‍ കോണ്‍ഗ്രസുകാര്‍ക്കും ഇത്തരം അഭിപ്രായമാണെന്ന് താന്‍ കരുതുന്നില്ല. നിയമസഭയിലെ പ്രതിപക്ഷാംഗങ്ങള്‍ക്കാണ് രാഷ്ട്രീയ അധപതനം സംഭവിച്ചിരിക്കുന്നത്. ടീച്ചര്‍ ഉറങ്ങിയിട്ടില്ലെന്ന് എം കെ മുനീര്‍ പറഞ്ഞു. ടീച്ചര്‍ എങ്ങനെ ഉറങ്ങും. കേരളത്തിന്റെ പ്രതിപക്ഷ നേതാവ് മീഡിയാ മാനിയയാണെന്ന് പറയുമായിരിക്കുമെന്നും കെയു ജനീഷ് കുമാര്‍ എം എല്‍ എ പറഞ്ഞു.

Also Read: ‘സ്‌കൂളിലേക്കെന്ന് പറഞ്ഞു പോയി’; ചേര്‍ത്തലയില്‍ പത്താം ക്ലാസ് വിദ്യാര്‍ത്ഥിനിയെ കാണാതായി, അന്വേഷണം 

പ്രതിപക്ഷ നേതാവിന്റെ കസേരയില്‍ പല മഹാന്‍മാരും ഇരുന്നിട്ടുണ്ടെന്ന് എം കെ മുനീര്‍ പറഞ്ഞിരുന്നു. അക്ബര്‍ ചക്രവര്‍ത്തിയുടെ സുവര്‍ണ്ണ സിംഹാസനത്തില്‍ മൂട്ട കയറി ഇരുന്നപ്പോള്‍ അത് ചക്രവര്‍ത്തിയാണെന്ന് ഭടന്‍മാര്‍ പറഞ്ഞതായിരിക്കും എംകെ മുനീര്‍ ഓര്‍ത്തതെന്നും ജനീഷ് കുമാര്‍ പറഞ്ഞു.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം