Around us

പൗരന്‍മാര്‍ വിദേശയാത്ര ഒഴിവാക്കണമെന്ന് പ്രധാനമന്ത്രി; കേന്ദ്രമന്ത്രിമാര്‍ യാത്രകള്‍ റദ്ദാക്കി

രാജ്യത്തെ പൗരന്‍മാര്‍ അത്യാവശ്യമല്ലാത്ത വിദേശയാത്രകള്‍ ഒഴിവാക്കണമെന്ന് പ്രധാനമന്ത്രി നരേന്ദ്രമോദി. വിദേശ സന്ദര്‍ശനങ്ങള്‍ മാറ്റിവെക്കാന്‍ കേന്ദ്രമന്ത്രിമാരോടും നിര്‍ദേശിച്ചു. ആള്‍ക്കൂട്ടങ്ങള്‍ ഒഴിവാക്കുന്നതിലൂടെ രോഗം പടരുന്നത് തടയാമെന്നും പ്രധാനമന്ത്രി നരേന്ദ്രമോദി നിര്‍ദേശിച്ചു.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

Also Read: 'കേരളത്തിലെത്തിയതോടെ ആത്മവിശ്വാസം വന്നു'; നല്ല ചികിത്സ കിട്ടുമെന്ന് ഉറപ്പായിരുന്നുവെന്ന് കൊവിഡ്19 രോഗം ബാധിച്ച മെഡിക്കല്‍ വിദ്യാര്‍ത്ഥി

രോഗവ്യാപനം തടയുന്നതിനായി കേന്ദ്രസര്‍ക്കാര്‍ ജാഗ്രതയോടെ ഇടപെടുന്നുണ്ട്. പരിഭ്രാന്തി വേണ്ടെന്നും കരുതല്‍ മതിയെന്നും പ്രധാനമന്ത്രി നരേന്ദ്രമോദി ട്വിറ്ററിലൂടെ പറഞ്ഞു. പ്രധാനമന്ത്രി നരേന്ദ്രമോദിയുടെ നിര്‍ദേശത്തെത്തുടര്‍ന്ന് കേന്ദ്രമന്ത്രിമാര്‍ വിദേശയാത്രകള്‍ റദ്ദാക്കി.

Also Read: ‘ഫെബ്രുവരി 27ന് ശേഷം വിദേശത്തു നിന്നെത്തിയവര്‍ റിപ്പോര്‍ട്ട് ചെയ്യണം’; ആരോഗ്യവകുപ്പിന്റെ നിര്‍ദേശം 

കേന്ദ്ര ആരോഗ്യവകുപ്പ് പുറത്ത് വിട്ട കണക്ക് പ്രകാരം ഇന്ത്യയിലെ കൊവിഡ്19 ബാധിതരുടെ എണ്ണം 73 ആയി. ഇതില്‍ 17 പേര്‍ വിദേശികളാണ്. ഇറാനില്‍ കുടുങ്ങിക്കിടക്കുന്ന 150 ഇന്ത്യക്കാരെ മൂന്ന് ദിവസങ്ങളിലായി തിരിച്ചെത്തിക്കും. 900 ഇന്ത്യക്കാര വിദേശത്ത് നിന്ന് എത്തിച്ചതായും കേന്ദ്ര സര്‍ക്കാര്‍ അറിയിച്ചു.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം