Around us

കൊല്ലത്ത് വീട്ടുമുറ്റത്ത് കളിച്ചുകൊണ്ടിരുന്ന 7 വയസ്സുകാരിയെ കാണാതായി ; ദേവനന്ദയ്ക്കായി തിരച്ചില്‍ 

കൊല്ലം നെടുമണ്‍കാവില്‍ വീട്ടുമുറ്റത്ത് കളിച്ചുകൊണ്ടിരുന്ന ഏഴുവയസ്സുകാരിയെ കാണാതായി. ധനേഷ് ഭവനത്തില്‍ പ്രദീപിന്റെ മകള്‍ ദേവനന്ദയെയാണ് കാണാതായത്. വാക്കനാട് സരസ്വതി വിദ്യാനികേതന്‍ സ്‌കൂള്‍ വിദ്യാര്‍ത്ഥിയാണ്. പതിനൊന്ന് മണിയോടെയാണ് കാണാതായതെന്ന് കണ്ണനല്ലൂര്‍ പൊലീസ് ദ ക്യുവിനോട് പറഞ്ഞു. കുഞ്ഞിനെ തിരികെകിട്ടിയെന്ന വാര്‍ത്ത വ്യാജമാണെന്നും പൊലീസ് അറിയിച്ചു. കുട്ടിയെ കണ്ടെത്തിയിട്ടില്ലെന്ന വിവരം വ്യാഴാഴ്ച 2.50 നാണ് പൊലീസ് ദ ക്യുവിനോട് സ്ഥിരീകരിച്ചത്.പൊലീസും നാട്ടുകാരും പരിസര പ്രദേശങ്ങളില്‍ തിരച്ചില്‍ നടത്തി വരികയാണ്. ഫയര്‍ഫോഴ്‌സിന്റെ നേതൃത്വത്തില്‍ സമീപത്തെ പുഴയിലും തിരച്ചില്‍ പുരോഗമിക്കുകയാണ്. എന്തെങ്കിലും വിവരം ലഭിക്കുന്നവര്‍ 7293517282,7356403924 നമ്പറുകളില്‍ ബന്ധപ്പെടുക.