Around us

‘24 മണിക്കൂറിനുള്ളില്‍ 11 ലക്ഷം പേര്‍’ ; അംഗസംഖ്യയില്‍ വന്‍ വളര്‍ച്ചയെന്ന് ആം ആദ്മി പാര്‍ട്ടി

24 മണിക്കൂറിനുള്ളില്‍ പുതിയതായി 11 ലക്ഷം ആളുകള്‍ പാര്‍ട്ടി അംഗത്വമെടുത്തതായി ആം ആദ്മി പാര്‍ട്ടി. ഡല്‍ഹി നിയമസഭാ തെരഞ്ഞെടുപ്പ് ഫലം വന്ന് ഒരു ദിവസത്തിനകം അംഗങ്ങളുടെ എണ്ണം കുത്തനെ വര്‍ധിച്ചുവെന്നാണ് എഎപി അവകാശപ്പെടുന്നത്.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

ഡല്‍ഹി തെരഞ്ഞെടുപ്പ് ഫലം വന്നതിന് പിന്നാലെ എഎപി 'രാഷ്ട്ര നിര്‍മാണ്‍' കാമ്പെയിന്‍ ആരംഭിച്ചിരുന്നു. ഇതിന്റെ പ്രചാരണത്തിലൂടെ മിസ്ഡ് കാള്‍ വഴിയാണ് അംഗത്വം നല്‍കുന്നത്. ചൊവ്വാഴ്ച ഇതിനായി ഒരു നമ്പറും പാര്‍ട്ടി പുറത്തുവിട്ടിരുന്നു. ഇങ്ങനെ ഒരു ദിവസം കൊണ്ട് രാജ്യത്തുടനീളം 11 ലക്ഷം ആളുകള്‍ പാര്‍ട്ടി അംഗത്വമെടുത്തുവെന്നാണ് ആംആദ്മി പാര്‍ട്ടി അവകാശപ്പെടുന്നത്.

Also Read: ‘മലയാളികള്‍ ബീഫ് ഒഴിവാക്കണം’, സസ്യാഹാരം ശീലമാക്കണമെന്ന് ജയറാം രമേഷ് 

ഡല്‍ഹിയില്‍ മുഖ്യ എതിരാളികളായിരുന്ന ബിജെപിയെ തോല്‍പ്പിച്ച് വലിയ ഭൂരിപക്ഷത്തിനായിരുന്നു എഎപി അധികാരത്തിലെത്തിയത്. 70ല്‍ 62 സീറ്റുകളാണ് എഎപി നേടിയത്. ബിജെപിക്ക് 8 സീറ്റുകള്‍ മാത്രമാണ് നേടാനായത്. കോണ്‍ഗ്രസിന് ഒരു സീറ്റു പോലും ലഭിച്ചില്ല. ഫെബ്രുവരി 16നാണ് കെജ്‌രിവാള്‍ സര്‍ക്കാരിന്റെ സത്യപ്രതിജ്ഞ.

ദ ക്യു വീഡിയോ പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം