ബിന്ദുവിനെതിരായ ആക്രമണത്തില്‍ പരിഹാസവുമായി എം എം മണി; സ്ത്രീശാക്തീകരണ നവോത്ഥാനത്തിന്റെ ലേറ്റസ്റ്റ് അവസ്ഥയെന്ന് വിടി ബല്‍റാം

ബിന്ദുവിനെതിരായ ആക്രമണത്തില്‍ പരിഹാസവുമായി എം എം മണി; സ്ത്രീശാക്തീകരണ നവോത്ഥാനത്തിന്റെ ലേറ്റസ്റ്റ് അവസ്ഥയെന്ന് വിടി ബല്‍റാം

തൃപ്തി ദേശായിക്കൊപ്പം ശബരിമല ദര്‍ശനത്തിനെത്തിയ ബിന്ദു അമ്മിണിക്കെതിരെ മുളക് സ്‌പ്രേ ആക്രമണമുണ്ടായതിനെ പരാമര്‍ശിച്ചുള്ള മന്ത്രി എംഎം മണിയുടെ ഫേസ്ബുക്ക് പോസ്റ്റ് വിവാദത്തില്‍. പതഞ്ജലിയുടെ മുളകുപൊടി ബെസ്റ്റാണെന്നായിരുന്നു മന്ത്രിയുടെ പോസ്റ്റ്. ഒരു സ്ത്രീ തെരുവില്‍ ആക്രമിക്കപ്പെട്ടതില്‍ മന്ത്രി തന്നെ ട്രോള്‍ ഉണ്ടാക്കി ആസ്വദിക്കുകയാണെന്ന് വി ടി ബല്‍റാം എംഎല്‍എ വിമര്‍ശിച്ചു.

ബിന്ദുവിനെതിരായ ആക്രമണത്തില്‍ പരിഹാസവുമായി എം എം മണി; സ്ത്രീശാക്തീകരണ നവോത്ഥാനത്തിന്റെ ലേറ്റസ്റ്റ് അവസ്ഥയെന്ന് വിടി ബല്‍റാം
ബിന്ദു അമ്മിണിക്ക് നേരെ മുളക് സ്‌പ്രേ ആക്രമണം; ഹിന്ദു ഹെല്‍പ്പ്‌ലൈന്‍ പ്രവര്‍ത്തകന്‍ കസ്റ്റഡിയില്‍ 

സംഘപരിവാറും ജനം ടിവിയുമാണ് തൃപ്തി ദേശായിയുടെ വരവിന് പിന്നിലെന്നാണ് സര്‍ക്കാരിന്റെ ആരോപണം. ഇതിനെക്കുറിച്ചുള്ള രണ്ടാമത്തെ പോസ്റ്റില്‍ സംഘപരിവാര്‍,ജനം നാടകം ' തൃപ്തി 2019' എന്ത് നല്ല തിരക്കഥ, കണ്ണിനും മനസ്സിനും കുളിര്‍മ ലഭിച്ചു എന്ത് നല്ല മുളക് സ്‌പ്രേ എന്നും പറയുന്നു.

ശബരിമല വിധിക്ക് സ്റ്റേ ഇല്ല എന്ന സംസ്ഥാന സര്‍ക്കാരിന്റെ നിലപാട് വിശ്വാസിച്ചാണ് യുവതികള്‍ ശബരിമലയിലെത്തിയതെന്ന് വിടി ബല്‍റാം പറയുന്നു. പൊലീസ് സംരക്ഷണം നല്‍കില്ലെന്നതാണ് സര്‍ക്കാരിന്റെ സൗകര്യമാണ്. എന്നാല്‍ തെരുവില്‍ സ്ത്രീ ആക്രമിക്കപ്പെട്ടതിനെ ട്രോളാക്കി ആസ്വദിക്കുന്ന മന്ത്രി പിണറായി സര്‍ക്കാരിന്റെ സ്ത്രീശാക്തീകരണ നവോത്ഥാനത്തിന്റെ ലേറ്റസ്റ്റ് അവസ്ഥയാണെന്നും വിടി ബല്‍റാം വിമര്‍ശിക്കുന്നു.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

Related Stories

No stories found.
logo
The Cue
www.thecue.in