അറിയുന്നുണ്ടോ പെട്രോള്‍ വില കുതിക്കുന്നത്?; 10 ദിവസം കൊണ്ട് കൂടിയത് 95 പൈസ

പലതുള്ളി പെരുവള്ളമായി രാജ്യത്തെ ഇന്ധനവില കുതിച്ചുയരുന്നത് തുടരുന്നു. 77.99 ആണ് സംസ്ഥാന തലസ്ഥാനമായ തിരുവനന്തപുരത്തെ പെട്രോള്‍ വില. ചൊവ്വാഴ്ച്ച പെട്രോളിന് 14 പൈസ കൂടിയിരുന്നു. തിങ്കളാഴ്ച്ച എട്ട് പൈസയും കൂടി. പത്ത് ദിവസത്തിനിടെ 95 പൈസയുടെ വര്‍ധനയാണ് പെട്രോളിലുണ്ടായത്.

തിരുവനന്തപുരത്ത് ഒരു ലിറ്റര്‍ ഡീസലടിക്കുന്നതിന് 72.56 രൂപ കൊടുക്കണം. ചൊവ്വാഴ്ച്ച 12 പൈസ കൂടി അതിന് മുമ്പ് ഒമ്പത് പൈസ കൂടിയിരുന്നു. പത്ത് ദിവസം കൊണ്ട് മാത്രം 74 പൈസയുടെ വര്‍ധനയാണ് ഡീസല്‍ വിലയിലുണ്ടായത്.

ഡോളറുമായുള്ള വിനിമയത്തില്‍ രൂപയുടെ മൂല്യം ഇടിയുന്നതും എണ്ണവില ഉയരുന്നതുമാണ് വില വര്‍ധനയ്ക്ക് കാരണം. രൂപയുടെ മൂല്യമിടിയുന്നതിനൊപ്പം ഇറക്കുമതിച്ചെലവ് കൂടുന്നത് വലിയ കുഴപ്പമാണ് സൃഷ്ടിക്കുന്നത്.