വിദ്യാബാലൻ ചിത്രം ഷേര്‍ണ്ണിയുടെ ടീസർ; സിനിമ ആമസോണിൽ റിലീസ്

വിദ്യാബാലൻ ചിത്രം ഷേര്‍ണ്ണിയുടെ ടീസർ; സിനിമ ആമസോണിൽ റിലീസ്

ബോളിവുഡ് താരം വിദ്യാ ബാലന്‍ കേന്ദ്ര കഥാപാത്രത്തെ അവതരിപ്പിക്കുന്ന ഷേര്‍ണ്ണിയുടെ ടീസര്‍ പുറത്തിറങ്ങി. വിദ്യാ ബാലന്റെ തന്റെ സോഷ്യൽ മീഡിയയിലൂടെയാണ്‌ ടീസര്‍ റിലീസ് ചെയ്തത്. ചിത്രം ആമസോണ്‍ പ്രൈമിലായിരിക്കും റിലീസ് ചെയ്യുന്നത്. ജൂണിലായിരിക്കും റിലീസ്. സിനിമയുടെ ട്രെയ്‌ലർ ജൂൺ രണ്ടിന് റിലീസ് ചെയ്യും.

ന്യൂട്ടന് ശേഷം അമിത് മസൂർക്കർ സംവിധാനം ചെയ്യുന്ന സിനിമയാണ് ഷെർണി. വനംവകുപ്പ് ഉദ്യോഗസ്ഥയുടെ കഥാപാത്രമാണ് സിനിമയിൽ വിദ്യ ബാലൻ അവതരിപ്പിക്കുന്നത്. മൃഗസംരക്ഷണവും മനുഷ്യന്റെ ആവശ്യങ്ങളും തമ്മിലുള്ള സന്തുലിതാവസ്ഥ ഇല്ലാതാക്കാൻ ശ്രമിക്കുന്നവർക്കെതിരെയുള്ള പോരാട്ടമാണ് സിനിമയിൽ അവതരിപ്പിക്കുന്നത്.

ടി സീരീസും അബാൻഡാന്റിയ എന്റർടൈന്റ്‌മെന്റും സംയുക്തമായാണ് നിർമ്മാണം നിർവഹിക്കുന്നത്. ശരദ് സക്‌സേന, നീരജ് കാബി, വിജയ് റാസ്‌, ഇള അരുൺ എന്നിവരും സിനിമയിൽ അഭിനയിക്കുന്നു. ഏറ്റവും സവിശേഷമായ കഥയാണ് ഷെർണിയിൽ അവതരിപ്പിക്കുന്നത്, അമിത്തിന്റെ ട്രേഡ്മാർക്കായ ആക്ഷേപഹാസ്യത്തെ ഉപയോഗപ്പെടുത്തിക്കൊണ്ട് പ്രസക്തമായ ഒരു വിഷയമാണ് അവതരിപ്പിക്കുന്നത്, അബുണ്ടാന്റിയ എന്റർ‌ടൈൻ‌മെൻറ് സ്ഥാപകൻ വിക്രം മൽ‌ഹോത്ര പത്രക്കുറിപ്പിൽ പറഞ്ഞു.

സുലൈമാനി ഖീദാ, ന്യൂട്ടൺ എന്നീ ചിത്രങ്ങൾക്ക് ശേഷം അമിത് മസൂർക്കർ സംവിധാനം ചെയ്യുന്ന മൂന്നാമത്തെ ചിത്രമാണ് ഷെർണി. ശകുന്തള ദേവിയുടെ ബയോപിക് ആയിരുന്നു വിദ്യ ബാലന്റേതായി റിലീസ് ചെയ്ത അവസാനത്തെ ചിത്രം. ആമസോൺ പ്രൈമിലായിരുന്നു ശകുന്തള ദേവി റിലീസ് ചെയ്തത്.

The Cue
www.thecue.in